Alalá nº 63 "Os Terribles de Donas" 

ALALÁ nº 63 "Os Terribles de Donas"- TVG
Emisión: 29/01/08
En Donas, Gondomar, comezou a historia do grupo máis admirado, máis querido e máis festeiro de todo o sur de Galicia e norte de Portugal. Eran os ídolos, as estrelas, alí por onde pasaban, arrasaban, por algo eran coñecidos como “Os terribles de Donas”. Unha banda? Unha charanga? Unha miniorquestra?...Os Terribles foron de todo, cambiando de formación cos anos, adaptándose ós tempos. A finais dos anos trinta naceron coma un grupo tradicional que tocaba jotas e muiñeiras pero, cando as modas cambiaron e chegaron as rumbas, as habaneras, os pasodobres ou e boleros, eles tamén. Incorporaron saxos, clarinetes, percusións e todo o necesario para que as súas festas fosen inesquecibles. E ata que nos anos setenta chegaron as orquestras con amplificadores, eles foron os amos, as actuación dos Terribles... sempre eran terribles
O grupo acabou por desfacerse. Ata que un día os descendentes daqueles míticos Terribles, decidiron rescatalos do esquecemento e recuperar o seu repertorio. Agora os Terribles de Donas volven a soar.