Alyaa Gad - Headlice قمل الرأس
قمل الرأس حشرات مزعجة بتصيب الأطفال بالذات وأي ناس في تجمعات كبيرة هي معدية جدا وعلشان كدة بسهولة أوي تنتقل من طفل للتاني في المدرسة والطفل ياخده البيت وبعدين ينتشر في البيت كله ويبقى صعب أوي التخلص منها عندي لكم شوية نصائح علشان نتعامل مع المشكلة دي مبدئيا لازم نعرف إنه القمل بيعيش في شعر الإنسان له دورة حياة يعني القملة بتحب تعيش هنا في مؤخرة الرأس من ورة وراء الودن ومنتشرة في جلدة الرأس وتحب أوي أنها تتكاثر يعني وتجيب بيض كتير يعيش في الشعر هنا Okay? يلزق في الشعر هنا فا المشكلة عندنا إنه إحنا بنتعامل مع حشرات بتتوالد بسرعة جدا وبتعيش حوالي أسبوعين وبعدين تجيب بيض جديد بعد أسبوعين وهكذا فا إحنا العلاج لازم يستمر شهر على الأقل كل يوم نعمل تسريح للشعر علشان نتأكد إن القمل مش موجود خلاص في المنطقة اللي بالذات اللي هي دي عند الشعر الطويل بالذات المشكلة أكبر تعالوا أشرح لكم إزاي نعمل كدة فا إحنا اتفقنا إنه لازم نكون عاملين خطة إن إحنا نقعد شهر كامل بنتابع المريض كل يوم نسرح ونعمل الحاجات اللي ها أقولكم عليها تعالوا نشوف بقى أول حاجة لازم نشتري أمشاط ضيقة الأسنان وتكون منها مثلا معدني بصفين من الأسنان ومنها بلاستيك بس تكون ضيق وممكن تلاقي خشب الميزة في الأمشاط دي البيضاء أنها بتقدري تشوفي فيها القمل الغامق لو عندك مشكلة مع الطفل وبيتكرر أوي أوي العدوى أقترح أنك تستعملي المكنة للحلاقة تحلقي له شعره تماما لو ولد بالذات هتلاقي القمل اختفى بعض المحلات بتبيع الفلايات اللي بالكهرباء ودي ميزتها إنها بتموت البيض كمان فا تلاقي فيها بطارية من جوة ودي كويسة بتموت البيض بعد ما نخلص من تسريح القمل وبنطلعه كله من جلدة الرأس عندنا مشكلة تانية اللي هي الصيبان أو بيض القمل اللي لازق في الشعر نعمل فيه إيه؟ طريقة كويسة لو عاوزة تطلعيه بإيدك أنك ترشيه الأول بخل تفاح خل التفاح ها يخلصك من الصمغ اللي لازق بيه البيض تسيبيه شوية وبعدين نصف ساعة كدة وبعدين تسرحيه في بعض الأحيان بيستلزم الأمر أنك تعمليه بحاجة أقوى شوية لو الطفل أكبر شوية أقترح تستعملي له أو تستعملي لها مكواة الشعر مكواة الشعر ممتازة لأنها بتحرق البيض فا بتخلصنا من البيض فورا ها يبقى عندنا المشكلة جزء كبير منها أتحل يعني إحنا عندنا جزئيين رئيسين للمشكلة القمل اللي في جلدة الرأس دة بيروح بالتسريح والبيض اللي لازق في الشعر دة بيتقتل بالحرارة العالية اللي من المكواة بس افتكروا إن الأطفال الصغيرين أقل من سنتين ما نستعملش معهم الحاجات الحارة دي علشان بيتحركوا رأسهم جامد فا ممكن يحرقوا نفسهم وأنتِ بتستعملي الأمشاط دي للتفلية أقترح تستعملي قماش أبيض علشان لشعرنا الغامق القمل لونه غامق نقدر نشوف عليه القمل وها يكون بيتغسل عند درجة حرارة 95 يعني قماش قطن يعني تأكدي علشان أنتِ بعد ما تخلصي تاخدي القمل وتغسليه بدل ما تنطريه مثلا من البلكونة وينتشر ويروح لطفل تاني اغسليه على طول علشان القمل يموت حاجات تانية نقترحها أنك ترشي أمشاط الطفل كلها بكحول علشان يموت القمل في حاجة تانية أنك تستعملي Tea Tree Oil اللي هو زيت شجرة الشاي وإن أنتِ تحطي المركز منه زيت شجرة الشاي حوالي 5 نقط على الشامبو بتاع الطفل ليه؟ لو حطتيه على الشامبو بتاع الطفل القمل.
Subscribe to official Alyaa Gad channel : bit.ly/AlyaaGad
مرحبا بكم في قناتي الشخصية التي تجمع كل مشروعاتي التعليمية.
اسمي علياء جاد، طبيبة متخصصة في التعليم الصحي وتبسيط العلوم الطبية، وأهدف إلى رفع الوعي الصحي والتعليمي في مصر والعالم العربي.
على هذه القناة ستجدون فيديوز لقناة أفهم العربية،
وفيديوز بنفس المحتوى باللغة الإنجليزية تحت اسم iUnderstand
كما يوجد قسم لتعليم اللغة الإنجليزية English with Alyaa Gad
أيضا توجد قنوات منفصلة لكل من هذه المشاريع على حدة
أنا وفريق العمل نرحب بكم ونتمنى لكم الصحة والسعادة والنجاح.
Follow Alyaa Gad :
www.afham.tv
/ dr.alyaagad
/ alyaagad
20 авг 2024