America Mizote
2012 Kut Ṭiak Lunglen
Kan Va Ngai Dawn Em!
- Ch. Malsawma
Suihlunglen tinkim ka han dáwn a,
Hlim têa kan lènlai ni zawngte;
Tawn mang mai a chang tur hi,
Kan va ngai dáwn em.
Thunawn
Lawmlai kha, lènlai ni zawng,
Hlimlai nit e;
Kan va ngai dáwn em!
Aw khaw'nge lenrual hlui zawngte kha,
Suihlungruala léng lungduh zawngte;
Min dáwn ve hian ka ring thin,
Lungduh zawngte khan.
Suihlungruala léng lungduhte nen,
Engtikah tawn ni her leh ang maw;
Damte'n tawnni her leh se,
Chung Khuanu zarah.
An Lungleng Ve Ngei Ang
- R. Vanrammawia
Awmkhaw har chángin ka dáwn vel ṭhin a,
He hringnun pár ang vullaini te;
Mual min liamsan ṭhin kan hlimni te'n,
Hmãnlai an chang zo nghilh a har ngei.
Thunawn
Lenrual duhte nen hlim tê-in,
Zaitin kan vawr lai kha;
Ka ngai ṭhin e ṭhiante kha,
Kan lenna a dang zo ta s;
Ka hming an hriatchhuah changing,
Kan nun dan ṭhin an dawn kir ve ang a;
An lung a léng ve ngei ang.
Han hawi vêl hianin tláng tin dam duai,
Ṭhal romei zing riai lenkáwl êng nen;
Chhemdâm thlifim léng thinghnah ném nen,
Nungcha hramthiamte'n min ngaihtir ṭhin.
Dam Takin Ule...
10 сен 2024