انا حضرت الحفله دي , اواخر اغسطس او اول سبتمبر 2004 ,المسرح الروماني , مارينا 2 , الساحل الشمالي , بعد الاسكندريه . طريق العلمين ومطروح , جمهوريه مصر . كنت لسه مخلص سنه اولى كليه
وانا كنت بحضرها مسجلة على سيديهات على الكمبيوتر في نفس الفترة تقريباً. انت محظوظ لانك حضرت اجمل حفلة لعمرو دياب، وهي اجمل حفلة من وجهة نظري لعدة اسباب: اولا. الحفلة دي كانت معمولة بعد واحد من اجمل وانجح البومات عمرو دياب وهو ليلي نهاري لذلك غنى في الحفلة اغاني الالبوم الناجح، فطبيعي نجاح الألبوم ينعكس على نجاح الحفلة. ثانيا. الحفلة دي اتعملت بعد اول سنة تعامل مع روتانا بعد غياب ٢٠ سنة فكان دعم روتانا واضح، شفنا توزيع موسيقي هايل وعدد كبير من الموسيقيين والآلات الموسيقية، تخيل كان موجود من ضمن الآلات جراند بيانو اللي هو البيانو الحقيقي (مش كيبورد-اورغ) وكان بيعزف عليه نادر حمدي من فرقة واما ، وكذلك كان موجود احمد فهمي على آلة الكمان برضو من فرقة واما. واجمالا كان الغنى الموسيقي واضح في الحفلة دي.
