🌟 "ஆனந்த ராகம்"....முட்டம் கடற்பகுதியில் வசிக்கும் மீனவரான சிவச்சந்திரன் தனது தங்கை ராதாவோடு வசித்து வருகிறார். ஒரு நாள் புயலில் சிக்கி உயிருக்கு போராடிய சிவச்சந்திரனை சிவகுமார் பத்திரமாக மீட்டு கரை சேர்க்கிறார். இதற்கு நன்றிக்கடனாக சிவச்சந்திரன் சிவகுமாரை தன்னுடனேயே வைத்து கொள்கிறார். சிவச்சந்திரனின் தங்கை ராதாவிற்கும் சிவகுமாருக்கும் காதல் மலர்கிறது. சிவகுமாரின் கடின உழைப்பால் சிவச்சந்திரன் செல்வந்தர் ஆகிறார். சொந்த வீடு வாங்கும் சிவச்சந்திரன் இந்திரா தேவியை மணந்து கொள்கிறார். முட்டம் பகுதியில் வசிக்கும் ரவிகுமாருக்கு ராதா மீது ஒரு கண். சிவகுமார்/ ராதா இடையேயான காதல் ரவிகுமாரை கொதிப்படைய செய்கிறது. இருவரையும் பிரித்தே தீருவதென்று முடிவு செய்யும் ரவிகுமார் இந்த காதல் விவகாரம் பற்றி சிவச்சந்திரனிடம் வத்தி வைக்கிறார். கோடீஸ்வரரான வீரராகவனின் மகன் நிழல்கள் ரவி மூளைக்காய்ச்சலால் பாதிக்கப்பட்டு உயிருக்கு போராடும் மனிதர். அவர்கள் வீட்டு வேலைக்காரனான ரவிகுமார் சூழ்ச்சிகள் செய்து ராதா/ நிழல்கள் ரவி திருமணம் நடக்கும் படி செய்து விடுகிறார். ராதாவை பிரிந்த சிவகுமார் தாடியோடு வீதியில் சுற்றித்திரிகிறார். இறுதியில் என்ன நடந்தது? "ஒரு ராகம் பாடலோடு காதில்... "கனவுகளே கனவுகளே களைந்து.. "மேகம் கருக்குது மழை வர பாக்குது... "கடலோரம் கடலோரம் அலைகள்... இசைஞானியில் இசையில் உருவான இனிய பாடல்கள் நம்மை கிறங்க வைக்கிறது. 🇨🇭 திருப்பூர் ரவீந்திரன்.
