Photos of tyvan blogers and travelers.
Хөлбегер көк дээрниң адаа
Көк-көк даглар куржааңгылыг,
Көрүнчүк дег кылаң хемде
Хөвең дег ак өглер турар.
Хаяа-биле деңге турар
Кара чаштыг Тыва кыстар
Инектерин эдирип саап,
Ишкээр хемче ай деп турар.
Сайын санап ойнап өскен
Чашкы шаамның чараш хемим,
Чандыңнардан шөйүлген ыш
Сагыжымны чылдып чоруур.
Дириг чорда, чорук көвей,
Орук-суурга чораанымда,
Дистинчипкен Тыва өглер
Орлан-чүрээм ээлей хонар.
5 янв 2019
