Ang Ating Pagsamba Sa Panginoong Diyos 

Ang Ating Pagsamba Sa Panginoong Diyos
1
Ang pagsamba sa tunay na Diyos ay gawang nakalulugod
Isang banal na tungkulin nating mga alipin
Kapag tayo ay sumasamba dapat na tumalaga
Umawit at manalangin lakip puso’t kaluluwa
2
Kaaliwan nating lagi na ang ating mga pagsamba
Napapawi ang mga hirap, nakakamta’y pagpapala
Mga aral na ating natatanggap inspirasyong talaga
Ibubuhay ang lahat Niyang aral upang kamtan kaligtasan
Refrain
O Panginoong Diyos, kami sa Iyo’y sumasamba
Hinahanap Kang lagi na
Bawat saglit ay kailangan Ka
Lingapin ang Iyong mga alipin
Huwag Mo kaming itatakwil
At sa loob ng Iglesia Ni Cristo
Kami’y Iyong pagpalain
3
Di ba at tayo ay nangako sa Diyos at kay Jesus
Na lagi nating paglingkuran habang tayo’y may buhay
Sa gawaing pagpapalaganap dapat ay huwag magsasawa
Lahat tayo ay maging ilaw nitong buong sanlibutan
Coda
Lingapin ang Iyong mga alipin
Huwag Mo kaming itatakwil
At sa loob ng Iglesia Ni Cristo
Kami’y Iyong pagpalain
Copyright © 2002 Iglesia Ni Cristo (Church Of Christ)
#INCOriginalMusic