Jo tifl Ghar mein shah e lafatah ke palte hain Woh jang ke liye gehwaray mein machalte hain Qadam qadam pe shariyat nahi badalte hain Chale jo raah Ali a.s hum Woh raah chalte hain Pul e siraat se guzrenge youn Ali a.s wale Ke jaise baagh mein jhokay hawa ke chalte hain Alam Ko dekh ke khayber kusha ke haathon mein Woh Kon log hain jo door haath malte hain Woh khaak Kyun na bane Sajda gah e do Aalam Jo khaak Rukh pe risalat ma'ab malte hain Khayal aata hai jab karbala ke pyaason ka Woh aaftaab jidhar ansooun mein dhalte hain Sawal e aab pe gardan se teer paar Hua Padar ke haathon pe asghar a.s lahu ugalte hain Zaeef Baap ki nazron ke saamne akbar a.s Qaza ke gaud mein Woh aeriyaan ragarte hain
