APNE APNE TOL KAHT BRAJ BRAJBASI|RAGA:NAT BILAWAL |GOVARDHAN LILA |TAAL:TRITAAL|पुष्टि कीर्तन निधि| 

જય હો મારા પ્રભુ, જય શ્રી કૃષ્ણ, પ્રકાશ ભાઈ hingoo

अपने-अपने टोल, कहत व्रजवासियाँ । भोग-भुगति लै चलौ, इंद्र के आसियाँ ॥ध्रुव॥ सरद कुहू निसि जानि, दीपमालिका जु आई। गोपन मन आनंद, फिरत उनमद अधिकाई ॥ घर-घर थापे दीजिए, घर-घर मंगलचार । सात बरस को साँवरौ, खेलत नंद-दुवार ॥१॥ बैठि नंद उपनंद, बोलि वृषभानु पठाए । सुरपति पूजा होति, जानि तहँ गोविंद आए ॥ बार-बार हा-हा करें, कहौ बबा मोहिँ बात । घर-घर उच्छव होत है, कौन देव की जात ॥ २॥ स्याम तुम्हारी कुसल जानि, इक मंत्र उपइहौँ । षट रस भोजन साजि, भोग सुरपति कौं दइहाँ ॥ नंद कयौ चुचुकारि कै, जाउ दमोदर सोई। बरस दिवस को द्यौस है, महामहोच्छव होइ ॥ ३॥ हरि बोले सब गोप, मतौ, बहत्यौ फिरि कीन्हौ । आदि पुरुष निज जानि, रैनि सुपनौ मोहिँ दीन्हौ ॥ सब देवन कौ देवता, गिरि गोबरधन राज । ताहि भोग किन दीजिए, सुरपति को कह काज ॥ ४ ॥ बाडै गोधन वृंद, दूध-दधि को कह लेखौ । इह परचो विदमान, नैन अपनै किन देखौ ॥ तुम देखत बलि खायगो, मुँह माँग्यौ फल देइ । गोप कुसल जो चाहिए, गिरि गोबरधन सेइ ॥ ५ ॥ गोपन कियो बिचार, सबै मिलि सकटा साजे । बहु बिधि करि पकवान, चले तहँ बाजत बाजे ॥ एक बनहि बन को चले, एक जमुन के तीर । एक न पैंड़ा पावहीं, उमड़े फिरत अहीर ॥ ६॥ इक पैंड़े, इक उबटि, एक बनहीं बन छाँहीं। इक गावै गुन कान्ह, उमगि उमगे न समाहीं॥ गोपन कौ सागर भयौ, गिरि भौ मंदरचार । रतन भईं सब गोपिका, कान्ह बिलोवनहार ॥ ७॥ व्रज चौरासी कोस, परे गोपन के डेरा । लंबे चौवन कोस, आज व्रजवास बसेरा ॥ सबहिन को मनि साँवरौ, दीसै सबन मँझार ।कौतुक भूले देवता, आए लोक बिसार ॥ ८ ॥ लीने विप्र बुलाइ, जग्य आरंभन कीनों । सुरपति पूजा मेंटि, राज गोबरधन दीनों ॥ देव दिवारी सामही, सब मिलि पूजन जाय । तात प्रतीति न मानहीं, तुम देखत बलि खाय ॥९॥ प्रथम दूध दधि आदि, बहुरि गंगाजल ढारयौ । बड़ी देवता जानि, कान्हको मतौ बिचारयौ । जैसेई गिरिराज हैं, तैसेइ उनको कोट । मगन भए पूजा करें, नर नारी बड़ छोट ॥१०॥ जहाँ तहाँ दधि धरी, कहाँ कह उज्वलताई। उदधि शिखर है रही, भात में देह छिपाई ॥ चहूँ ओर चक्रा धरे, चंदहि पटतर गोय । ठौर-ठौर बेदी रची, बहु बिधि पूजा होय ॥११॥ जैसी कंचनपुरी, दिव्य रतनन तैं छाई । बलि दीनी इहिं भाँति, छाँह फिरि पूरब आई ॥ बदरौला वृषभानु की, दही बिलोवन-हारि ।ताकी बलि इत देवता, लीनी भुजा पसारि ॥१२॥ सहस भुजा उर धरे, करै भोजन अधिकाई। नख-सिख लौं अनुहार, दूसरौ मनौ कन्हाई॥ सहस भुजा उर धरे, करै भोजन अधिकाई । नख-सिख लौँ अनुहार, दूसरौ मनौ कन्हाई ॥ ललिता राधा सौं कहै, तेरे हृदै समाय । गहे अँगुरिया नंद की, सो ढोटा पूजा खाय ॥१३॥ पीत दुमाला बन्यौ, कंठ मोतिन की माला । भूषन बसन अनूप झलमलै, नैन बिसाला ॥ स्याम कि सोभा गिरि भयौ, गिरि की सोभा स्याम । जैसो परबत भात को, ढिग भइया बलराम ॥१४॥ सब सामग्री अरपि, गोप गोपिन कर जोरे । अगनित कीन्हें स्वाद, कहा बरनौं मति थोरे ॥ इहि बिधि पूजा पूजिकै, कयौ कान्ह सौं जाय ।

Jay ho. Ati anand bhayo. Shyam kahyo surdasso meri lila saras banay, kahat brajbasiya. 🙏🙏🙏

Khub sundar

Sri Govardhan Nathji ki jai 🙏🙏🙏

Radha Radha

अब ऐसे गायक कम ही है और सुनने वाले और भी कम है कितना मधुर है

Jai hoo ati sunder Jay Shree Krushna 🙏🙏

Bahut sundar kanth

❤❤❤❤❤❤ radhey shayam

Khub Sundar 🙏

Adbhut keertan 🙏

Bhai pase vale logo ki choice or swrno ki pasand 😊😘😘

Pranaam jayshrikrushna

Jai Sri krishn…Can we please get the lyrics