Lyrics: Arthur Meschian -- Արթուր Մեսչյան -- Артур Месчян
Music: Arthur Meschian -- Արթուր Մեսչյան -- Артур Месчян
Concert in Passadena (USA) 1993
The Monologue of the Crazed Violinist -- Ջութակահարի Մենախոսությունը -- Монолог Сумасшедшего Скрипача
Ինչ որ այրվեց ու հեռացավ,
այն ինչ ջնջվեց ու կարծրացավ,
այն ինչ կիսատ շնչեց հոգում,
այն ինչ չարվեց մեկ այս կյանքում,
այն ինչ երկունք մնաց սրտում-
սպասիր, սպասիր --
ես կավարտեմ հաջորդ կյանքում:
Կիսատ համբույրը՝ քարացած,
կապույտ գիշերը՝ չքացած,
կիսատ աղոթքը՝ մոռացված,
անբիծ երդումը՝ ուշացած,
կիսատ իմ սերը՝ գողացած...
սպասիր, սպասիր --
քեզ կսիրեմ հաջորդ կյանքում:
Կիսատ ապտակը՝ չտրված,
կիսատ հեգնանքը՝ չմարած,
խաչիս վերքերը՝ սպիացած,
կիսատ վրեժը չլուծված,
և հայհոյանքը անավարտ...
սպասիր, սպասիր --
ես կավարտեմ հաջորդ կյանքում:
Կիսատ երգերս՝ չերգած,
կիսատ տողերս՝ չգրված,
անձայն խորհուրդը՝ չակոսած,
տենդոտ բեմերը՝ չբացված,
կիսատ կիթառս՝ չլարված...
սպասիր, սպասիր --
ես կլարեմ հաջորդ կյանքում:
Կիսատ անեծքը՝ հուշ դարձած,
կիսատ բաժակը՝ չխմված,
կիսատ մեղքերս՝ չգործած,
կիսատ հույսերս՝ գողացված,
փոշոտ դիմակը՝ փրկության,
սպասիր, սպասիր --
ես կպատռեմ հաջորդ կյանքում:
Կիսատ թռիչքը երազիս
և լուռ տրոփը լույսերի
այն ինչ այսօր չհասկացա,
այն ինչ աստղի ես չհասա
և ինչ հեքիաթ որ չապրեցի,
սպասիր, սպասիր --
քեզ հետ կապրեմ հաջորդ կյանքում:
8 сен 2024
