Xanım Zəhranın (s.ə) mövlud tədbiri. 22.01.2022
Aləmlərə bənzərsiz nemətdi Xanım Zəhra,
Dünyaya və üqbaya zinətdi Xanım Zəhra.
Məhbubi Rəsulallah şan-şöhrəti tənhadır,
Həm ismi mübarəkdir, həm surəti Tahadır.
Peyğəmbərin övladı, həm ümmi-əbihadır.
Yerdən göyə izzətdi, şövkətdi Xanım Zəhra.
Süst olmayıb heç bir vaxt Allaha itaətdə,
Ərşi bürüyüb nura mehrabı ibadətdə.
Əxlaqi gözəllikdə, rəbbani kəramətdə
Eynən RəsulAllaha nisbətdi Xanım Zəhra.
Haqqın qoruyan şəxsə Allah Özüdür Hafiz,
Hər kim qapısın döysə, qalmaz əli boş, aciz.
Ehsanda, səxavətdə hər bir kəsə ən bariz
Örnəkdi Xanım Zəhra, ibrətdi Xanım Zəhra.
Quran bizə ən kamil, ən cilvəli sərmayə,
Həm mənəvi qalxandır, həm başımıza sayə.
“Kövsər” deyilən surə, “Təthir” deyilən ayə,
Etmirmi dəlalət bəs, rəhmətdi Xanım Zəhra.
Məhşər günü Gün çıxmaz, zülmətdə şəfəq saçmaz,
Ol gün analar hətta övlada qucaq açmaz.
Yalnız bizi bir madər tənha qoyaraq qaçmaz,
Çün mənbeyi-riqqətdi, şəfqətdi Xanım Zəhra.
Siddiqeyi-Kubranı çox üzdü münafiqlər,
Dönməz fəqət eşqindən öz əhdinə sadiqlər.
Sevdiklərinin şənin yəqin bilir aşiqlər,
Eşq əhlinə Kövsərdi, Cənnətdi Xanım Zəhra.
Aslan, nəfəs aldıqca sev Həzrəti Zəhranı,
Eşqində qəti umma bir başqa təmənnanı.
Ayeyi-məvəddətdə təfsirdəki mənanı
Bilsən, görəcəksən ki, höccətdi Xanım Zəhra.
22 янв 2022