Asmae Lazrak Malhoun اسماء الازرق ملحون مغربي قصيدة الأم 

من تثلمد على الملحون المغربي يستطيع غناء كل المقامات ✌✌الملحون مدرسة ✌✌

تستاهل الحب والدعم أعشق كل أعمالها

ماشاءالله تبارك الرحمن، غزالة و فنة حبيبتي أسماء. ❤❤❤❤❤❤❤❤❤❤❤

ما شاء الله على الملحون المغربي و على صوت أسماء الأزرق.

احسن صوت في المغرب في العالم العربي مأخذ الحق ديالو الحكرة

الله اسمح لينا من الوليدين و الله ارحم جميع الامهات

الله يرحمك اميمتي الحبيبة ويجعل مثواك الجنة 😥😥😥😥

قصيدة الام من نظم الاستاذ عبد المجيد وهبي سلاوي الله يرحمه ويغفر له ويسكنه فسيح جناته توفي سنة 2017 دار هد القصيدة على امه حسناء الله يرحمها توفاه في 2014 الله يرحمها ويسكنها فسيح جناته

شكون جا من عند منى الشاذلي

Comme c'est beau d'écouter cette chanson qui parle de la maman Dieu la protège, la voie de la chanteuse Asmae azrak voie extraordinaire toujours top !!!

اغنية رائعة و المغنية اروع ما شاء الله هدية لكل امهات العالم🌹🌹🌹🌹🌹🌹🌹🌹🍬

الله الله الله الله الله! شكرا جزيلا لك على المشاركة

صوت رائع عطاك الله الصحة

Mostahil hadi tkoum dem maghribi 100/100 laboud m'khalta m3a lihoud. resmiyene.

ما شاء الله تبارك الله صوت و صورة

صوت رائع ماشاءالله

انا من معجبات ديالها جمال وصوت تبارك الله عليها

ماشاء الله عليك أسماء سبحان الله جاتني هنا كتشبه ل لطيفة رأفت خصوصا فاش كضحك

Woow bravo asmaa

Tres belle voix

آلله يوافقك ويفتح عليك موهوبة ماشاء الله

آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الأول : (القسم الأول) يا أمـــي يــا روح راحتـي ونتييــا لحجـــاب انت زينــت لحبـــاب بيك السلوان ند صابـي انت لميمة بيك روحي وحيــاتي طاربـــا تسع اشهور ونت امسليا وتقاصي لعــــذاب ياريت أو يا مصـاب نقدر نوفي مرغــوبــي ونكافي لحسان ياك طاعة لميمة واجبـا حين الله ابغى ايزيل حملك شوف المكتـــاب حاطوا بينا لحبــاب خوف عليك وفرحة بي وانفستي ونا حداك نلتي ما كنت راغبا عمـــاين ونت اترضعينـــي لحليب نســــاب من ثديك راق أوطاب هوى أكلي وشــــرابــي هوى أوال قوت به ذاتي نالت ما طالبـا ما يعصـــاش أمــو ايهينهـــا أبدا إنســــان مومن طاع الرحمـان وحــدو ما ليلـــو ثانــي وامصدق برسول ربنا ومأمن ابديننـــا الازمة : (الحربة) آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الثاني : (القسم الثاني) بيديدات احنان كــــــاتلفي داتـــي فثيـــــــاب وتخـافي لا ننصــاب و البرد ايلف اجنــابــي وتفزعي من عين شيبنادم وتباتي راهبا غير أنا نبكي انت قليبــك يخفــــق مرتــــاب باغي يعرف لسبـاب وعلاش ابكات اهذابـي وتراري بيا افحين تغفى لعيون الساكبــا ويــــلا نمرض ليك حايزاني لونك يشحـــاب وتبـــاتي فالتشغــاب حتى ينشال امصــابــي وتسعد بيا انهـار ربي يصرف المكتــاب كنت اضعيف وكان عود ذاتي لين مرطـــاب وشبـابك فييا شـــاب ونا كملت اشبـــــابـــي كيف ندير انرد ما فنيتي لعضاك الشايبا يــا عـــــاصي يماه كون كنت فيك الإمــــان تدمــع عينك بثنـــان لقـــوال الله الغـــانــــي كيف تقول نهار يا الغالط تسآل ابحالنـا الازمة : (الحربة) آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الثالث : (القسم الثالث) كما رسـول الله ليك حدث وعطـــاك الشـــان تحت اقدامك لجنــان حبك ما ليلــو ثــــانـــي بعد احيبيب الله طــاعتو ونتيـا فقلوبنـــا يــا قلب القلــــوب ساكنــــا يا قرت لعيــــان يا ينبــوع الحنــــان وصفك فوق المعــانــي ونحاول ونقول قول عسا يفصح بحوالنا يـــا أمـــي لعبــــاد نايمــــا ونت فالدجــــان نشوانا بالسهـــــران هــذا هو التفــــانــــــي هذا هوالحب حين تخفق لقلوب الساخنـا ياأمي وانت اعنــايتي يــــا حضن الأمـــان زاهر بيك أو نشــوان يا من تطفي نيـــرانــي يا برد المهجة الهايجة يا راحة لخيالنــا حبك حب احنين هزنـــي هيجلـــي لكنـــان وصبح قلبي رويــــان نظرت عينك فعيــانــي فيها نور الله شاع شعشع والحب أالافنـا الازمة : (الحربة) آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الرابع: (القسم الربع) يا رابيـــــع القلب يازهارو روضك مــــزدان امخضر فيـه افنـــان يلمـع لنـــو عقيـــانـــي وانت يا سويداء اقلبنا ونشوى لفكارنــا يا حسنا لحسـان حاسنا يـــا روح الريحـــان فقتي عن كل احسان لايــن قلبك ربــــانــــي وحسان حسانك هزما وشمل كل اذخالنـا يـــاوردة بالطيب شـــادية يسقيــك الهتـــان وتعيشـــي فالأمـــان حــامل ليك التهــانــــي وانتيا شمعة امنورة منك ســر انوارنـــا يــانغمـــة بالحان صادحة يا لحن الأحــــان لحنك لحن الحنـــان ليلك نهـذي ألحــــانــي والعازف قلبي وبيك قلبي لولاكي ما هنا يا طايع ترعى الميمتك برضاهـــا سعـــدان تسعد بيهـا فرحـــان فرحاتك بيها هـــانـــي هاني بين افراد لمتك يازتي حتى احنـــــا الازمة : (الحربة) آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الخامس : (القسم الخامس) مرت بي لعوام ســارعة وطـــويت الزمـــان مريت ابكـل امحـــان فالعشق ارميت احناني والقيتك حبي اوكل داتي بكيانك كاينـــــا كي وردة بالطيب واهبــــة ما تطلب ثمــــان وردة من دون الوان وردة نبتت فكنــــانــي ماتطلب تعويض غيرتوهب فلحب بلاونـا بين ايديـــك انصيب راحي ونحس ابحنـــان ننسى ظرف المكــان ننسى ظرف الزمانــي وانغيب وانغيب لا معاني لشيات الكاسنـا يا صاغي للغاي ليك نهذي رايـــق لـــوزان ملحـونــي بالميـــزان سير واغرد بالحـانـي واهذيها ليها ياك تفرح بها و انت اهنـــا ويلا بلحيــاة بـــــــــاقية آمرك الديـــــــــان بالذل اخفظ جنحـــان رحمة بيها تفـــانـــي واتهلا فيها وبر بيها نورك بيها اسنـــــا ويلا دار الخلد ساكنة يرحمهـــا الرحمـــان ويسـكنهــــا لجنـــان ورفع كفك للغــانـــي يرحمها و الأب كيف حتى هما رباونــــا واسمي عاد اسما انبينو لصحاب الميـزان وهبي نـاظم لـــوزان عبد لمجيد السلواني معطيت ربي الله عاطي طلبوه ابحالنــــا أنا وشـــــادي وجميــــــــع الأخـــــــــوان حتى منهـــو خــــزان والفاهم ليه ابيـانــي والهاوي لشار لاين الشعررسول ادخالنا الازمة : (الحربة) آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا