ASR SURASI
Makkada nozil boʻlgan. 3 oyatdan iborat.
Ushbu surai karimaga ham uning birinchi oyati nom boʻlib qolgan. «Asr» kalimasi «zamon», «yuz yil», «umr», «Asr namozi», «Asr namozining vaqti» kabi ma'nolarni anglatadi. Alloh taolo ushbu surani asr bilan qasam ichib boshlab, asrning ahamiyatli narsa ekaniga e'tiborni jalb qiladi.
Bu sura qisqa boʻlishiga qaramay, oʻzida juda koʻp ma'nolarni jamlagan. Imom Shofе'iy rahmatullohi alayhi: «Agar shu suradan boshqa sura nozil boʻlmaganda ham, odamlarga kifoya qilardi», - dеgan ekanlar.
Nabiy sollallohu alayhi vasallamning sahobalaridan ikki kishi uchrashib qolsalar, «Val-asri» surasini bir-birlariga oʻqib bеrmasdan tarqalmas ekanlar.
Bu sura bashariyat hayotiga Islom iroda qilgan yoʻl-yoʻriqni oʻz ichiga olgan. «Val-asri» surasining bir oyati musulmon ummatining sifatini, haqiqatini va vazifasini bayon qiladi. Bu esa, oʻz navbatida, Qur'onning moʻ'jizasidir.
ASR SURASI
Bismillahir rohmanir rohiym.
Valasrʼ
Innal insana lafi xusrʼ.
Illal lazina amanu va ʼamilus solihati va tavasov bilhaqqi va tavasov bissabrʼ.
21 авг 2024
