“Wikileaks” sahifasining asoschisi avstraliyalik Julian Assanj AQShga ekstraditsiya hukmiga qarshi apellyatsiya da'vosini kiritish huquqiga ega chiqdi. Assanj so’nggi besh yildan beri Britaniyaning qattiq tartibdagi Belmarsh qamoqxonasida saqlanmoqda. AQSh hukumati uni maxfiy hujjatlarni o’g’irlashga doir 18 ta federal jinoyatda ayblamoqda. 2010-yilda “WikiLeaks” sahifasi AQShning Afg’oniston va Iroqdagi urushlariga doir diplomatik telegrammalarni chop etgan. Assanj AQSh harbiylari tomonidan sodir etilgan qonunbuzarliklarni fosh etganini bildiradi. AQSh hukumati yuristlariga ko’ra, hujjatlar o’g’irlangan, ularning chop etilgani AQShni ma’lumotlar bilan ta’minlab turgan informatorlar hayotini xavf ostiga qo’ydi. Assanj tarafdorlari u jurnalist sifatida ishini bajarganini, jamoatchilik bilishi kerak bo’lgan ma’lumotni oshkor etganini, unga qarshi ayblovlar ortida siyosiy sabablar borligini ta’kidlaydi.
20 май 2024
