Reportaxe del programa Camín de Cantares de la TPA gravau en 2009 en Casares d'Arbas (Arbas y non Arbás cumu ponen nos cartelos), nel antigu Conceyu D'Arbas na Montanna Central Llionesa.
Faziendo un analís de la fala desta zona atopamos cousas sumeyadas al Patsuezu de Bavia, Ribas de Sil, L.luna y L.!aciana cun esistencia de cheismo (mucher, viecha), la Tse vaqueira (L.lagos, l.lana, Gal.lego).... La "Tse vaqueira" tamién apaeç en Los Argüeyos y nu coceyu asturianu Pola L.!ena.
Anque tampoucu esconocen la palatalización xeneral (Llugar) ni las soluciones yeistas (muyer, vieya).
Outros rasgos del llionés ocidental son el resultau Ch en Chanu , si bien esti resultau tamién lu atopamos en La Robra (Quando la Candelaria chora, l'hibiernu ta fuora, que chore que cante, hai hibiernu p'atrás y p'alantre.. ou Las moças de La Robra, los Chanos y Devesa, dizen "pratu, dizen prata, dicern La Robra y la Igresia). Tamién se conserva'l ditongu decreciente "ei" La Veiga... en un topónimu, por embargu esapaeç en "El Posaeru" , pandera, y en El Filandero (Filandón, filadeiru).
Outros rasgos más asperables pa esta zona de la Montanna central, a parte de la Tse Vaqueira qu'esiste cumu amentei enantias pulos Argüeyos, yia la perda de D en el Posaeru y en Cerná (Posadeiru y cernada).
Cumu diz el reflán argoyanu
"Quando Las Tres Marías van pa'l Paleru, salen los de Casares del Filanderu"
19 фев 2012