✅ AstanaHub экскурсия
24 мамыр күні AstanaHub-ға экскурсияға бардым. Маған қатты ұнады. Технопарк заманауи озық құралдармен жабдықталған және жұмысшыларға керемет жағдай жасалған. AstanaHub бұл халықаралық IT-стартаптардың технопаркі. Осы жерде отандық және шетелдік технологиялық компаниялардың еркін дамуына жағдай жасалады.
Бұл технопаркке мемлекет тарапынан үлкен қолдау көрсетіліп жатыр. Егер кімде-кім IT-стартап ойлап тапса, AstanaHub мүшесі бола алады. Бұл сізге келесі тамаша артықшылықтарды береді. Яғни келесі салықтарды төлемейсіз - Корпоративтік Табыс Салығы, Жеке Табыс Салығы, Қосылған Құн Салығы, Әлеуметтік Салық (0%).
AstanaHubтың жаһандық миссиясы - инновациялық жобаларды дамытудың орталығы болу, алға бастайтын IT-компанияларды шығару, сондай-ақ бүкіл әлемдегі жас әрі талантты IT-мамандарды өзіне тартатын ордаға айналу.
Айтпақшы, Tech Orda жобасы бойынша жақсы жаңалығым бар. Маусым айында IT-мектептер тіркеуден өтеді және шілде айында студенттерді іріктеу басталады. Егер IT мамандықты тегін үйренгіңіз келсе, қапы да қалмаңыз. Мен парақшамда ол туралы міндетті түрде жазамын. Жазбаларымды мұқият оқып жүріңіздер.
#AstanaHub #TechOrda #АстанаХаб #ЭкспоАстана #ТехОрда
23 май 2023
