Ata haqqında şeir Firdovsi Rəsul
Əlaqə:0705608222
Gipsy Kings - Amamio
Ifa:Hikmət Aslanov
#firdovsiresul #ataseiri
Canından qanından ruh verdin bizə
Varlığın sığışmır şeirə, sözə
Sən bizim bir ömür ailəmizə
Allahın yazdığı yazısan Ata
Biz yatdıq, səhərlər tezdən oyandın
Şaxtada üşüdün, alovda yandın
Sən alın təri ilə çörək qazandın
Zəhmətlə böyütdün bizi sən Ata
Daddın baba kimi nəvə dadını
Sərdin üstümüzə qol-qanadını
Oğlumda yaşatdım sənin adını
Elə bil sən onun özüsən Ata
Mən də bu dünyada qonaq kimiyəm
Atayam, gözündə uşaq kimiyəm
Mən indi durulan bulaq kimiyəm
Sən həmin bulağın gözüsən Ata
Yeyib bitirməmiş zaman ömrümü
Zəhmətinə borclu olan ömrümü
Sənə bağışlardlm qalan ömrümü
Bilsəm ki, bilsəm ki, razısan Ata
4 окт 2024
