AZƏRBAYCANLI MƏŞHURLARIN ŞƏXSI BIZNESLƏRI
Daşdan belə pul çıxaran ulduzlar təkcə sənətlə qazanmırlar, onlar özlərini biznes sahəsində də sınayıblar. Bəziləri bunu etiraf edir, digərləri həqiqətə uyğun olmadığını vurğulayırlar.
şou əhlinin hər kəsdən gizli saxladıqları bizneslərini araşdırmışıq
“Bu şəhərdə” adlı konsert proqramı ilə il ərzində 2 dəfə tamaşaçıları ilə görüşə gələn aktyorlar Rafael və Coşqun “Bu şəhərdə” restoranının sahibidirlər.
Şou-biznesin ən zövqlü kişi müğənnilərinin başında gələn Zamiq Hüseynov “ZH” kişi geyim dükanının sahibidir. Zövqü ilə həmkarlarından fərqlənən Zamiqin mağazasında yalnız kişilər üçün geyimlər və ayaqqabılar satılır.
Tanınmış şoumen Murad Dadaşovun “Cot’dAzur” adlı şirniyyat evi var. Çox sadə və kiçik həcmli tortların qiyməti 25 -35 manat arasında dəyişir. Nişan və ziyafət üçün 50 nəfərlik tort isə 300 manata başa gəlir.
Əməkdar artist Röya Ayxan zəngin məşhurlar sırasındadır. Şou göstərib özünə gəlirli biznes quran sənətçi Nabrandakı villasının yanında istirahət üçün nəzərdə tutulmuş bir neçə kiçik ev tikdirib. Adıçəkilən mənzillər Nabrana istirahətə gələn turistlərə və ən əsası, ailəvi dincələnlərə kirayəyə verilir. İstirahət mərkəzində həmin evlərin gündəlik qiyməti 50-150 manat arasındadır.
Müğənni Xatirə İslam ifaçılıqla yanaşı, şəxsi bizneslə məşğul olur. O, xınayaxdı mərasimləri təşkil etməklə özünə əlavə iş qurub. Burada qiymətlər 1500 manatdan başlayır. Əgər könlünüzdən daha təmtəraqlı xına mərasimi keçirsə, bu sizə nə az, nə çox - düz 5 min manata başa gələcək.
Xına məclislərində “haxışda” oxuyan tək Xatirə deyil. Rəqqasə Fatimə Fətəliyeva da bu biznesə əl atıb. Dekor, ansambl, çəkiliş, “haxışda” ifaçısı və Fatimənin aparıcılığı sizə iki min manata başa gələ bilər. Fatimənin şəhərin mərkəzində “Banu” adlı gözəllik salonu da fəaliyyət göstərir.
19 фев 2019
