Poyladim har oqshom yo'lingni poylab Sevgimni yuragim qatiga joylab Seni ko'p qilganda bu ko'nglim talab Yonimga kelmading ostona xatlab. Balki, sen chiqishni nomus deb bilding, Ehtimol, qo'rqoqlar yo'lini qilding. Sevmasdan ishqimni aylading xarob, Ostonang poylaydi hali ham Muzrob. Eshiging yopiqdir faqat men uchun, Bilmadim, ayt nima dunyoda ustun? Gar sevsang bu g'arib holimga yarab Yonimga kelarding ostona xatlab. Men-ku men tab tortmay eshiging qoqdim, Yolg'onchi ko'zlaring ichiga boqdim. O'zimni topmadim tubiga qarab, Yo'q, chiqma, hech qachon ostona xatlab.