Dejós ma fenèstra I a un aucelon Tota la nuèit canta Canta sa cançon. Repic Se canta, que cante Canta pas per ieu Canta per ma mia Qu'es al luènh de ieu. Aquelas montanhas Que tan nautas son M'empachan de veire Mas amors ont son. (Repic) Nautas son, plan nautas Mas s'abaissaràn E mas amoretas Se raprocharàn. (Repic) Baissatz-vos, montanhas Planas levatz-vos Perque pòsca veire Mas amors ont son. (Repic) Aquelas montanhas Tant s'abaissaràn Que mas amoretas Se raprocharàn. (Repic) D'autres coblets Al fons de la prada I a un pibol traucat Un cocut lai canta Benlèu a nisat. A la font de Nimes I a un ametlièr Que fa de flors blancas Coma de papièr. Aquelas flors blancas Faràn d'ametlons N'emplirai mas pòchas Per ieu e per vos.
ces montagnes qui sont si hautes m'empêchent de voir où sont mes amours. Si je chante je ne chante pas pour moi je chante pour ma mie qui est auprès de moi. Ces montagnes s'abaisseront et mes amourettes apparaîtront. Chanson du quatorzième siècle écrite par Gaston Fébus, prince du Béarn
