#APATV #BaloğlanƏşrəfov #Əməkdarartist #Masallı #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Əməkdar artist Baloğlan Əşrəfovun vəfatından 1 il keçir. APA TV-nin cənub bürosunun verdiyi məlumata görə, keçən ilin bu günü 70 yaşında vəfat edən sənətkar doğma Bədəlan kəndinin qəbiristanlığında, valideynlərinin məzarının yanında torpağa tapşırılmışdı. Bu gün ata ocağında Baloğlan Əşrəfovun anım mərasimi keçirilib. Mərasimdə əməkdar artistin ailə üzvləri və yaxınları, sənət yoldaşları, ictimaiyyət nümayəndələri, kənd sakinləri iştirak ediblər. Mərasim iştirakçıları sənətkarın dəfn olunduğu Masallı rayonunun Bədəlan kənd qəbristanlığına gedib, onun məzarını ziyarət ediblər. Onun əziz xatirəsi ehtiramla yad olunub, ruhuna dualar oxunub. Sonra isə evində iftar süfrəsi açılıb.
Qeyd edək ki, Baloğlan Əşrəfov 1951-ci il oktyabr ayının 8-də Masallı rayonunun Bədəlan kəndində doğulub. O, Azərbaycanın demək olar ki, bütün rayonlarında keçirilən el şənliklərində öz məlahətli səsi ilə mahnılar ifa edib. Həmçinin dünyanın bir sıra ölkələrində konsert proqramları ilə çıxış edib. Sənətkar yaddaqalan ifaları və bəstələri ilə yanaşı xeyirxahlığı ilə də tanınırdı. Dəfələrlə aztəminatlı ailələrin toy mərasiminin keçirilməsinə kömək olub, heç bir ödəniş almadan toyda ifaçılıq edib. 2007-ci ildə Əməkdar artist fəxri adına layiq görülmüş Baloğlan Əşrəfova elə həmin ildə qaraciyər sirrozundan əziyyət çəkdiyi üçün Türkiyədə qaraciyər köçürülmüşdü. Koronavirusa yoluxan və ev şəraitində müalicə alan sənətkar ötən ilin bu günü dünyasını dəyişmişdi. Allah rəhmət eləsin!
Tural Kərimov
Rövşən Əzimov
APA TV. Masallı
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: ru-vid.com...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TEKLİFİ ÜÇÜN (Contact) info@apa.tv
25 апр 2022