Aslida tabiat qo`ynida to`rt fasl hukmron. Biroq, inson hayoti jonli tabiatdan tashqari umr fasllarini ham yashab o`tar ekan. "Barhayot Siymolar" filmida "Ijod" va "Sukunat" fasllarini qo`shimcha qilganmiz. "Ijod Fasli 1" qismda Jamshid Zokirovning betakror rollari haqida hikoya qilamiz.
Birga o‘ynagan rollarimiz men uchun eng, eng qadrli...Biz ikkalamiz 5 ta spektakl yaratdik... "Erginamning orzusi", rus tilida o‘ynaganimiz " Svobodnaya para"...keyin Rus teatrida o‘ynadik... Keyin "Sevaman dedimmi..."ni o‘ynadik. Takliflarimiz bilan yozilgandi bu pesalar biz uchun... Oxirgi pesamizdan biri "Tanho yulduzim" edi. Jamshid akam Murodjonni o‘ynardilar, men Umidani... Juda ham yaxshi ko‘rardilar spektaklni... O‘zlari aytar edilar: "Har bir spektakl men uchun bayram bo‘lib qolgan, Guli!" derdilar... Spektakldan keyin shunaqa ikkalamiz baxtli bo‘lib chiqardik. Bu eng baxtli daqiqalarimiz edi, oxirgi yil ekanda shu o‘ynagan davrimiz...Hozir eslayman shularni, parda yopilishi bilan bir birimizni quchoqlar edik va ta‘zim qilishga chopardik. Shular eng baxtli daqiqalarimiz edi. Ikkalamiz ota-ona haqida o‘ynagan rolimizda tomoshabin qilt etmay o‘tirar edi, har bir so‘zimizni shu qadar diqqat bilan eshitardiki, Jamshid akam rolni shunaqa zo‘r ijro etardilarki...sahna tugashi bilan tomoshabinlar shunaqa qarsak chalar ediki... Shunaqa katta san‘atkor edilar Jamshid akam...Yana bir bor Ollohimga shukrki, shu qadar buyuk inson, buyuk san‘atkorni menga ro‘paro‘ qildi... lekin, albatta qiyinchiliklar bo‘lgan... Ikkalamiz birga ishga ketardik, birga kelardik, bolalarimiz yolg‘iz qolishardi, yoki onam va yo qaynonam qarab o‘tirishardi. Uyga kelsak ba‘zan ovqat bo‘lmasdi... Ammo, urushmasdik, talashmasdik, kelib kim nimadir archgan, kim qozon boshida... O‘g‘limiz ko‘proq biz bilan teatrda edi, qizimiz esa, qaynonam va yo onam bilan qolar edik. Ikki kishi birvarakayiga ishlasa, oson emas... Bolalarim to‘ymadi-da bizga... Bolalarga biz to‘yolmadik... Shunga sal... Ammo hozir o‘ylasam katta va uzluksiz baxt ekan u kunlar...
Teatrdagi faoliyati:
• “Venetsiyada tun”
• “Mardikor”
• "Taqdir eshigi"
• "Erginamning orzusi"
• "Aldagani xotin yaxshi"
• "Donishmand Natan"
• "Sevaman Dedimmi"
Teatr sahnasida "Taqdir eshigi" spektakli bilan Jamshid Zokirov va Gavhar Zokirova juftligi paydo bo`lib. Ular uchun chin ma`noda "Ijod eshiklari" ochildi.
Filmografiya
• 1969 - O‘n uch terak ko‘chasi - lavha
• 1985 - Kelinlar qo‘zg‘oloni
• 1986 - Orzular og‘ushida
• 1987 - Yengilish alami
• 1989 - Bo‘hron - lavha
• 1990 - Temir xotin - Olimtoy
• 1993 - Baxtim menim - sen qon bilan to‘langansan (O‘zbekiston)
• 2009 - Salamandra izi - lavha
• 2011 - Visotskiy. Tirikliging uchun tashakkur
12 июн 2020
