Bektemir tumanidagi barcha umumtaʼlim muassasalarida oʻtkazilayotgan, "Birinchi qo'ng'iroq" bayram tadbiri Oʻzbekiston mustaqilligining 33 yilligiga bagʻishlangan “Bir boʻlsak - yagona xalqmiz, birlashsak - Vatanmiz!” shiori ostida tashkil qilindi.
Bu yil tumandagi 9 ta umumtaʼlim maktablariga jami 1152 nafar bolajonlar 1-sinfga qadam qoʻydilar.
Oʻquv yilining boshlanishi munosabati bilan tumandagi 1-sektor hududida joylashgan 293 -sonli umumtaʼlim maktabida boʻlib oʻtgan tadbirda tuman hokimi N.Abduraxmanov ham ishtirok etdi.
Tadbirda tuman hokimi soʻz olib, barchani mustaqilligimizning 33 yilligi hamda boshlanayotgan yangi oʻquv yili bilan tabriklab, yangi oʻquv yili barcha oʻqituvchi va oʻquvchilar uchun omadli va sermazmun kelishiga tilak bildirdi.
1-sinfni boshlayotgan jajji bolajonlarga “Prezident sovgʻasi” tantanali tarzda tarqatildi.
24 сен 2024
