De jaore, ze vloge veurbij, die beelde, ze bleve miech bij.
Vaan pap en mam, mien awwershoes, iech dink aon vreuger, bij us thoes.
Pap waor beroepsmuzikant, heer reisde door stad en door land.
Meh waor heer ins aof en tow vrij, zaote veer kinder aon zien zij.
En euze pap, jao euze pap ...
Refrein:
Heer späölde accordeon, en daan zóng ederein.
Heer späölde accordeon, zoe kós heer dat allein.
Heer späölde accordeon, en daan zóng ederein.
Mèt hart en mèt ziel, muzikaal en subtiel,
zoe kós heer dat allein.
Heer maakde meziek daag en nach, heet hiel väöl sjoen leedsjes bedach.
Die zinge de lui toch zoe geer, al hiel väöl jaor, mèt plezeer.
Dat krijg heer veur zien leedsjes trök, dao-in ligk zie groetste gelök.
Daan späölde heer veur zie publiek al zien sjoen leedsjes, ziene meziek.
En euze pap, jao, euze pap ...
19 янв 2009