Berg Carmel College su obra Infobesitas 

Resientemente, relashoná ku selebrashon 60 aña di Berg Carmel College, tabatin presentashon di e obra musikal titulá "Infobesitas".
Esaki a tuma lugá, dia 14 I 15 di yüni, den auditorium di International School of Curaçao.
"Infobesitas" ta nifiká konsumo di demasiado (ekseso) na informashon digital for di internet (kompiuter). Ku otro palabra bo por bisa tambe bira adikto na e mundu di kompiuter, e mundu digital.
E konsekueshanan ku esaki por trese ku ne ta entre otro:
- desorden mental;
- degenerashon sosial;
- redukshon di bo kapasidat pa konsentrá i enfoká;
- problema ku salud.
Den e obra akí bo por a mira karikaturanan ku ta adikto na e mundu di kompiuter i otronan ku si tin kòntròl riba e situashon.
Sra. Louëlla Legito di e Asosashon di Mayor di Berg Carmel College i Djuric Bertad eskritor i direktor di e obra ta konta nos kon a bai ku e presentashonnan.