Bertso saio bikaina antolatu dute Larraulen, San Esteban jaien karietara. Egun oso sargoria egokitu da baina, hala ere, ongi erantzun du bertsozaleak. Lau bertsolari izan dira oholtza gainean, Igotz Alkorta gai-jartzailearen gidaritzapean: Unai Mendizabal ‘Mendi’, Iker Zubeldia, Maialen Lujanbio eta Oihana Iguaran. Hasierako agurraren ostean, Alkortak ofiziotako lanean jarri ditu bertsolariak. 1) Eguraldia hizpide harturik, bina bertso eskatu dizkie, alde ona eta txarra aipatuz. 2) ‘Mendi’ eta Iguaran: Larraulen amaitu berri dira bertso-udalekuak. Hamahiru-hamabost urteko neska-mutilak egon dira bertan. ‘Mendi’ eta Iguaran nerabeak ere ibili ziren bertso-udalekuetan. 3) Lujanbio hondartza zalea da. Uretan sartu eta Zubeldia karabela portugaldarrak ziztatu du. 4) ‘Mendi’, Zubeldia eta Lujanbio: hirurak adinekoak dira eta batera doaz talde bidaia batean. Gaur Aiztondo bailara ezagutzera ekarri dituzte. Maialen exijentea da; Unairi dena harrigarria iruditzen zaio; Iker aitona, berriz, ligatzeko asmotan etorri da. Honeraino lehen bideoak eman duena.
2 окт 2024
