"Bir xumar baxışla.." (Vüsal Süleymanov) 

Musiqi : Ramiz Mirişli (1934-2015)
Sözlər : Fikrət Qoca (1935)
Mahnı 1972-ci ildə yazılıb, ilk ifaçısı Şövkət Ələkbərova olub. Flora Kərimova və İlhamə Quliyeva isə mahnını 1973-cü ildə, Hüseynağa Hadıyev isə 1974-cü ildə ifa ediblər.
Çiçəklər açmasa, gələrsən - yaz gələr!..
Üfüqlər tutulsa, gülərsən - göy gülər!..
Qəzəblə qışqırsan - ulduzlar tökülər…
Bir xumar baxışla səadət bağışla…
Nəqərat:
Yenə gəldin sən,
Baxıb güldün sən -
Bahar gəldi, güllər açdı!..
Çaylar daşdı, nəğmə qoşdu
Sənə…
Bir xumar baxışla
Səadət bağışla…
Kənara baxarsan - gözümdə od yağar,
Üzümə baxırsan - ürəyim talanır,
Bu aləm başıma dolanır, dolanır…
Bir xumar baxışla səadət bağışla…
#BirXumarBaxışla