Sean, ek moet jou eintlik hierdie verhaal vertel. Ek en my maats het op Heidelberg/Rensburg groot geword waar die reekse geskiet was. Julle het baie op Vrydae in die middag geskiet. Die betrokke episode was ek en my maats daar met ons fietse toe julle by Monaco-kaffee op die hoek geskiet het - dit is net so op niemandsland tussen Rensburg en Heidelberg. Ek sal nie sommer vergeet hoeveel van julle mannewalese amper 'n replika was van my en my maats se jeug in Heidelberg nie. Die sirkustoneel was nou vir jou ook iets. Dit was in my laerskooltyd toe die Boswell-Wilke-sirkus langs die rugbyveld, nie ver van die Vervoermuseum af hulle tent opgeslaan het nie. Dit was ek, my jonger broer en klein Willempie en sy boetie Leon wat toe mos na die sirkus daar was, besluit het om besoek af te le. Ek vra toe nogal vir Willempie: "Mag ons regtig hierdie toue en penne vat?" Hy se toe: "Ja, die oom van die sirkus het gese ons mag van net wat ons will en ons kan 'n tou langs die Blesbokspruit hang om lekker tot diep in die rivier in te swaai. Later toe vra ek vir Willempie of dit nou reg was dat die oom vir hom gese het dat ons alles kan vat wat ons wil. Ons het uiteindelik al die stempels, penne, ink en sponsbakkies en lang toue teruggeneem. Ons het 'n klein stukkie tou oorgehou wat ons toe aan 'n Wilgerboom se sytak opgehang het as herdenking.
