الكلمات: رابر السنة لكن من غير اي مبروك! لو واحد فيهم ماخذها كان ذل ابوك لو هم حبوك كان عالاقل وظفوك لا فض فوك بس لو مت قدسوك ما اشوفك الا انسان هالك؟ واطي مقامك؟ عايش لي هنا دور الناسك؟ بس قلبك حالك؟ كم جزء تحفظ من قرآنك؟ مثل اعمالك؟ قلي هل زاد الراب ايمانك؟ او بارك مالك؟ اعتزل احسن ، مكمل يعني لمتى ثالث شتا و انتَ باقي في مرحلة بناء هنا السيطرة ما يرفع صيتك لحدود السما فلا تقنعني انك شاعر لو ما تعادي قرى طول عمرك فاشل ما راح تنجز ابد من بين الرابرز اسمك زيادة عدد رايح بتسوي وحي بعد فشل كواليس فنك سطحه مستوي مهما تشكل تضاريس بتفكر تغزو اشجعك لو كان الخصم افضل خصمك من خوفه ارتبك و جاب خويه اشتل كواليس ١٨ تراك ضعيف مسيرته اللي عشان يحييها دخل بيف مافيه سيرته بس مو هذا موضوعنا ، اعتزل احسن فرحان بجائزة من انستقرام انك الاحسن؟ هاذي الصورة الاحزن اللي لا تغني او تسمن تبقى رابر مستهجن قلت لك اعتزل احسن رد عليهم و انت عاطل حتى لا شهادة! اللي زيك يسهل علي ابدع في احباطه! كرر اساليبك فلواتك و كلماتك كذا يمشي سوقك كل من بدا بعدك فاتك سألت عنك ، تراكاتك مهذبة سألت عشرة و تسعه قالوا ما سمعت به ما هذا اللي بتكتبه ايش منطقه وش مرجعه بتقول عن نفسك موهبة لكن زي غيرك اقنعة .. اكره اللي زيك ، على السجية مصدق انه بيوصل عالمية بجدية ذا الوهمية في الشخصية تصلح صورة سياسية لان النية تسويقية ولا ما اعطيتني الحرية انجح اعمالك ايش؟ تراك عيدين اكثر من مليونين و اسمك في اخر سطرين؟ اشّر عليه القدوة ما اشوف انت ليه مقتدي تسمع ما تشتري بنفسك انت ما تدري شتبي ضد التيار ، اشوفك بتجدف! يوم كان الكل بيصدّف انت واقف هناك متكتف اول سنة بتكثف اعمالك و اليوم متقشف ما بقى شي من مالك اعتزل احسن و توظف ليه تقتبس دور اساساً ما كان الانسب لك مو انت فضائي اذاً ارجع إلى كوكبك حنا البشر بنكفي بندمر ارضنا و عالمك بنخالفك و بنطلع لك عشان نغزو حضارتك لن تصل ابد ، ارقامك ما تناسب قلمك كاذب تكتب كنك بتحل واجب غني هادي و صاخب عادي و طالب بكل دعم عني لو بتخاطب عقلي معك ما بينسجم اعتزل احسن!!! نفس اليوم عشرين شهر ورا استحقرته جاني الوحي من الفضا ارتطم ف مكّنته ما كنت ادري كيف صرت رابر عربي لما كتبته وجودي صدفة هل كان هذا قدري لو ما اخترته ما انتبهت ان كلامي قد يُؤخذ لمنبر ما استفقت ان اوزاني قد تُرى بمجهر من اول خطتي ، التغيير لازم يرصد من اول خطوة لي و التأثير هدف اوحد .. مع الوقت سن الرشد ما صحّاني هل فعلاً اعمالي ستسمع سنين امامي هل فعلاً بغير او حلم اعوام اعياني الف خطوة لكن في مكاني اي غرامي؟ كثير بيعرفوني لكني ما اعرف احد فلما بيسألوني كم صاحب جوابي محد ليه معظم لوحات بيكاسو، زادت اسعارها تعتقد انه لو كان عايش ، هالشهرة نالها؟ جربت امور كثيرة بس عشان صوتي اعيله لو والدك قد وجهك والدي انا ادعي له الكل يحب ينشف بس خايف ينشر غسيله اواجهك بصوتي لانه اخر شي اشيله ما عندي حيلة ، كلام الناس اكل وجهي ما بالك بجنة تشوف الشعب ضد ما تربي هي حكمة ربي ، ان جفافك زاره جزري فلا تتشرط علي لو كان الجميع ضدي! هم كذا البشر ما تنتشر الا ان رحت هم كذا البشر ما تكتشف الا ان غبت فلا تكلمني ثاني كيف ابني نجاحي بتعبي لو تنتقد اعمالي تعال خذ مكاني و قلمي امشي في طريق مدري لو صواب ابدا باكتساب شهرة من سراب مجرد راب لكن قد يبني اسباب لي زي علاج اقتل فيه الاكتئاب ما بين العمق اللغوي جملي و نحو اللغة يدفن امامي عملي املي في المقبرة جزء مما اشوف هل ترى ما لا ارى؟ مالوا عني بعزوف هي اشياء لا تشترى! فلو كنت تحدثت انت فوّت نص ما قلت ولو كنت اتشتت؟ انت موّت نص ما فعلت قللت من ما رفعت حطمت كل ما صنعت اعرف انك تسمعني بس علمني هل انصت؟ علمني هل قصرت؟ او ما تهتم؟ ولا بتهز الجمجمة ورا السطر بتمتم! اعرف انك اعتدت؟ على التفاهة تلملم بتظلم الجيد للسيء بس عشان تعمم؟! وينه الراب السعودي من الساحة العالمية؟ ولا تكفّي حدودي اقضيها مزهرية؟ اعمالك اللي تنافس يمكن بس واحد بالمية تسعة وتسعين بالمية الباقي لا رؤية فنية فلا تحملني فشل جيل ، للتطبيل ولا تشيلني وزن فيل ، للتفعيل فما بتشوف لي تحليل ولا تطبيل محللينك مجتهدين بس قال و قيل فعادي جداً اني اعتزل ما ابقى مثل اللي يقدم عمل مُذل مؤذي للإذن فعادي جداً اني اعتزل ما باقي جُمل اسمعني اذا مر الدهر ، لن تجد فشل
يوووووووووه يالقوه هذا التراك راح يبقى ذكرى للأبد .. وهذا اللاين يفووووووز 🔥🔥 : جربت امور كثيرة بس عشان صوتي اعيله لو والدك قد وجهك والدي انا ادعي له الله يرحم ابوك ويغفرله ويسكنه فسيح جناته ❤❤
مع اني سمعتها بعد ١١ شهر لكن لمست قلبي لدرجه الكلمات صاحت داخل اذني حنا راح ننصت لا توقف انت افضل رابر عندي والله تابعت رابر وسمعت راب كثير و انت اميزهم و ألمعهم في كل شي مع إن صوتي ما راح يوصل لإذنك عبرت عن كلماتي بحروف واتمنى تلمس قلبك كشخص محب لك و لصوتك و عمق كلماتك
دايما البشر تحفر علشان يستخرجون الخام و يشكلونه على كيفهم و يبيعونه في سوقهم و محيطهم، دامك داخل و هدفك واضح و طريقك واضح و و نهجك واضح نظيف و صريح، بغض النظر عن موهبتك البشر ما راح يدعمونك، ليش؟!! لأنك ماشي عكس تيارهم، نصيحتي لك يا بلاك واصل على نهجك ولا تنحرف عنه انت من جد رهيب فالطرح و الأسلوب و التشبيه و كل شي تبارك الرحمن عليك استمر على نهجك بتطووور عساك دايما على القوة يا وحش
عشرين مليون عدتها وبعيدها لين اخر يوم لي شكراً بلاك بي على مشاعرك اللي تحاكي مشاعر المستمع مارح اقول قليل اللي زيك بقول انت نادر وعلى مر السنين والتاريخ مارح تتكرر اتمنى م تعتزل🖤🖤🖤🖤🖤🖤🖤
الابداع في انتقاء الكلمات وطريقة نطقها بين الفصحى والعامية مع الbeat والرسالة العميقة خلتك الأعظم في الساحة اثبت لهم انك اكبر واقوى من التعميم والمقارنة فقط لأجل التطبيل او المعارضة حارب التفاهة المنشورة واطرب آذاننا عوضنا عن الأذى والاستخفاف باهتمامنا ، الاقتباس والبناء افقنا من عمق اكتئابنا حتى الجروح تشافت اثناء انتظارنا لو ما انذكرت بعد سنين هل بنكون في صوابنا ؟ لان الاعتزال بيكون من أمانيهم الفانية اوعدك بننتقدهم احنا بعد العالمية لان بلاكبي اسطورة حية فنية ❤️
شكراً#BLVXB سمعت الألبوم كامل يـا رجل نفسي اسكن في القناه !!! شدني تراك ”اشاره” لكن تراك ”صاحي” للتاريخ ( على طريقة السهل الممتنع) واليوم زاد المشتركين واحد🖤... يعني ياليت ما تعتزل💔
اليوم اول يوم اعرفك فيه واسمع أغانيك تمنيت اني عرفتك من زمان لأكن حبيت اقولك كل الرابز اللي كنت اسمعهم انت صرت احسن منهم صدق انك صنعت يومي استمر ياقوي 🖤🖤🖤 .
