Raxit bolalarda 3 yoshga qadar uchraydigan kasallik bo‘lib, uning asosida vitamin D yetishmovchiligi tufayli organizmda kalsiy va fosfor almashinuvining buzilishi bilan kechuvchi murakkab jarayon yotadi. Chunki bu yoshda bola organizmi intensiv o‘sganligi tufayli kalsiy va vitamin D ga talab juda yuqori bo‘ladi.
JSST ma’lumotiga ko‘ra tabiatda kam tarqalgan bo‘lib asosan inson tanasiga quyoshning ultrabinafsha nurlari ta’sirida sintezlanadi va sutkalik ehtiyoj kattalarda-100XB, bolalarda esa-400XB tashkil etadi. Raxit kasalligining klinikasida bolalarda nerv sistemasi qo‘zg‘aluvchanligi, mushakla gipotoniyasi, suyak sistemasidagi turli deformatsiyalar kuzatiladi. Qonda kalsiy va fosfor miqdorining o‘zgarishi metabolik atsidoz hamda ba’zi hollarda gormonlarning o‘zgarishini xam kuzatishimiz mumkin.
Hozirgi kunda raxit kasalligining davosi aniq ishlab chiqilgan bo‘lsada, ushbu kasallikning tarqalishi yuqori darajada saqlanib qolmoqda.
29 сен 2024