Book Mark | රන් කරඬුව - බටුවන්ගල රාහුල හිමි | Episode - 10 | The Book Review 

බටුවන්ගල රාහුල හාමුදුරුවෝ රචනා කළ "රන් කරඬුව" නවකතාව මම මුලින් ම කියවන්නෙ 2014 අවුරුද්දේ දි. ඒ කියන්නෙ මීට අවුරුදු 09කට කලින්. ඒ කාලෙ නවකතාව කියවද්දි මට පොතේ ගැඹුර ග්‍රහණය කරගන්න අපහසු වුණා. හැබැයි මට අද මේ වැඩසටහන බැලුවට පස්සෙ හිතිච්ච දෙයක් තමයි "රන් කරඬුව" ආපහු කියවන්න ඕන කියලා. එදාට වඩා දෙයක් අද මට ග්‍රහණය කරගන්න පුළුවන් වෙයි කියලා මට හිතෙනවා. මම ඊට පස්සෙ රාහුල හාමුදුරුවන්ගෙ "බොර තෙල්", "නයිගලින් උපන් පුත්තු", "ගුම්" ආදී නවකතා කියෙව්වා. තව ගොඩක් නවකතා තව කියවන්න බලාපොරොත්තුවෙනුත් ඉන්නවා. මං හිතන්නෙ වර්තමානයේ නිර්මාණකරණයේ ඉන්න තරුණ භික්ෂූන් වහන්සේලාට කදිම ආදර්ශයක් වගේ ම ආලෝකයක් බටුවන්ගල රාහුල හාමුදුරුවෝ සපයනවා. මට මතකයි මම මුලින් හිතුවා පැවිදි වුණාට පස්සෙ මට නවකතාවක්වත් කියවන්න බැරි වෙයි කියලා. ඒ නිසා පැවිදි වෙන්න කලින් පුළුවන් තරම් නවකතා කියවන්න ඕන කියලා. ඒක මට ඒ කාලෙ ඇති වෙච්ච බොළඳ හැඟීමක්. මං ඒ නිසා ම නවකතා ගොඩක් පැවිදි වෙන්න මාස කිහිපයක් තියෙද්දී කියෙව්වා. එහෙම කියවපු අවසාන නවකතාව වුණේ මාර්ටින් වික්‍රමසිංහයන්ගේ "විරාගය" නවකතාව. හැබැයි හාමුදුරුවෝ කෙනෙක්ටත් නවකතා ලියන්න පුළුවන් නේද කියලා හිතුණෙ බටුවන්ගල හාමුදුරුවන්ගෙ නවකතා කියවද්දි. රාහුල හාමුදුරුවෝ හමුවෙලා කතා කරන්න ඉතා ම ආසාවෙන් ඉන්නෙ. උන්වහන්සේ අපිට සම්පතක්. මගේ කල්‍යාණ මිත්‍රයෙක් රාහුල හාමුදුරුවන්ගේ "අලුත් නගරාධිපති" පොත සහ "ප්‍රභානි" නවකතාව කියවලා ඉතා ම ප්‍රහර්ෂයෙන් මට ඒ ගැන කිව්වා. ඒ පොතුත් නුදුරේදී ම කියවන්න හිතන් ඉන්නවා ඉඩක් ලැබුණු ගමන් ම. මං හිතන්නෙ පොත්වලට ආදරය කරන හැමෝ ම බලන්න ඕන වැඩසටහන් මාලාවක් තමයි ජාතික රූපවාහිනියේ මේ දිනවල විකාශය වන "Book Mark" වැඩසටහන. මේ වැඩසටහන අප වෙත ගෙන ඒම සම්බන්ධයෙන් ජාතික රූපවාහිනියට බෙහෙවින් ස්තුතියි ! ඒ වගේ ම කාලෙකට පස්සෙ දක්ෂ නිවේදිකාවක් මේ වැඩසටහනේ දී දැක්කා. පාරමී රණසිංහ මහත්මියටත් බොහොමත් ම ස්තුතියි වැඩසටහන රසවත් ව ඉදිරිපත් කිරීම සම්බන්ධයෙන්. © හොරගල විමලතිස්ස හිමි

“පඥ්ඥාවන්තස්ස අයං ධම්මෝ - නායං ධම්මෝ දුප්පඥ්ඥස්ස”😊. One of the best books I’ve ever read.

වටිනා කතාබහක්

Ape hamuduruwo, 🙏🙏🙏🙏🙏

🙏❤