বৰষুণ_আহিলে_মই_নাই_বুলি_ক'বা
(উচৰ্গা- পৱন পল্লৱ বৰ্মন)
Boroxun Ahile Moi Nai Buli Koba....
Poet- Partha Simaan Baishya
Reciter - Monjil Baruah
Niribili Kashyap
Music- Anjan Jyoti
Cover Page - Gautam Nath
বৰষুণ আহিলে মই নাই বুলি ক’বা
..........................................
২০১৮ চনৰ দৈনিক অগ্ৰদূতত “মোৰ বন্দুক বৰষুণ আৰু তুমি“ বুলি কবিতা এটা প্ৰকাশ পাইছিল যদিও মই ২০১৯ৰ মে' মাহৰ ৯ তাৰিখেহে গম পাওঁ।গধূলি ৬ মান বজাত সিদিনা কবি বন্ধু চুনা কুমাৰ পাঠৰীয়ে কবিতাটোৰ ফটো কৰি মোক ইনবক্সত দিলে।
মই সুধিলো-বন্ধু ক’ত উঠিলে ?
সি ক’লে-২০১৮তেই প্ৰকাশ পাইছিল।চানাৰ কাগজত পায় লৈ আনিলোঁ ।
মোৰ হাঁহি উঠি গ'ল। মই বৰ আনন্দও পালো।যিটো কবিতাক লৈ মোৰ কোনো আশাই নাছিল সেই কবিতাটো আজি এবছৰৰ মূৰত প্ৰকাশ পাইছে।ভাল লাগিল।তাৰ পিছত অনবৰতে নিজেই গুণগুণাই থাকো।ভাল লাগে।
কবিতাটোত মোৰ সবতকৈ ভাল লগা শাৰী এটা আছে " বৰষুণ আহিলে মই নাই বুলি ক'বা"।মই সেই শাৰীটো মোৰ হুৱাটচ এপৰ এবাউটত লগাই থলো।অন্য শাৰীবোৰ লগোৱাৰ দৰেকৈ।
এদিন ৰাতি হঠাতে পৱন দাই(পৱন পল্লৱ বৰ্মন) ক'লে -পাৰ্থ,বৰষুণ আহিলে মোকো নাই বুলি ক'ব দিবা আৰু মই মেজেচ চিন নকৰোতেই তেওঁৰ দ্বিতীয়টো মেচেজ- ময়ো মোৰ হুৱাটচ এপৰ এবাউট লগালোঁ,চোৱা।
মই চালো হয় মোৰ বহুত আনন্দ।মোৰ কবিতাৰ শাৰী পৱন দাও লগাইছে।মোৰ কল্পনাৰ বাহিৰত।
আৰু
হঠাতে পৱন দা নোহোৱা হৈ থাকিল।
সিদিনাই ৰাতি ১২মান বজাত ঋষভ দাই মোক মেচেজ এটা দিলে।মই খুলি দেখো পৱন দাৰ এবাউট।বুকুখনত কিহবাই জোৰকৈ খুন্দা মাৰি দিলে আৰু লগালগ মই কান্দি দিলো।
মই ক'লো তেওঁক-পৱন দাই মোৰ এই ভাল লগা শাৰীটো বৰ ভাল পাইছিল।সেয়েহে লিখি ৰাখিছিল তেৱোঁ।
সেই ৰাতি বহু কথা পাতিলো যিবোৰ কথাত কেৱল পৱন দাই থাকিল ।
আজি এতিয়াও পৱন দাৰ হুৱাটচ এপ নাম্বাৰৰ এবাউট যদি চায় দেখিব এই শাৰীটোৱেই জিলিকি আছে।
বৰষুণ আহিলে মই নাই বুলি ক'বা
নকওঁ।।।।
আগতে বৰষুণ বেয়া পোৱাটো মোৰ বাবে চখ আছিল ।ইচ্ছা কৰিয়ে কৈছিলো বৰষুণ বেয়া পাওঁ।
কিন্তু এতিয়া
এতিয়া মই বৰষুণক সাংঘাটিক বেয়া পাওঁ।ৰ'ব নোৱাৰো।চাব নোৱাৰোঁ।
বুকু বিষাই যায়।
কিয়নো পৱন দা হেৰুৱাৰ দিনা এই বৰষুণ জাকে এক মূহুৰ্তৰ বাবেও তেওঁক এৰি দিয়া নাছিল ।তেওঁক বিদায় নিদিয়া পৰ্যন্ত তেওঁৰ লগতেই আছিল।
অ বৰষুণ তোক মই বেয়া পাওঁ
আচলতে মোতকৈ বৰষুণে তেওঁকহে বেচি প্ৰাধান্য দিলে । তেওঁ গুছি গ'ল। বৰষুণ জাক কাৰ বাবে এৰি থৈ গ'ল.....
মই সেইবাবেই বৰষুণ বেয়া
পাওঁ।
বৰষুণ আহিলে মই নাই বুলি ক'বা
বৰষুণ আহিলে মই নাই বুলি ক'বা
পাৰ্থ সীমান বৈশ্য
#partha_siman
#niribili_kashyap
#monjil_baruah
#romanticsadpoem
14 окт 2024
