في هذا الفيديو أشارككم رأي عن الآلة بعد استخدام لمدة شهر ونص حسابي في السناب: / mansour-alnoaim حسابي في الأنستقرام: / mansouralnoaim حسابي في تويتر: / mansour_noaim
اولا اشكرك يا اخ منصور على مقاطعك وانا استفدت كثير منها بحكم انك الوحيد اللي يتكلم عن البرو .. ثانيا عطرية القهوه والإيحاءات تقدر تطلعها بس تحتاج تنزل ضغط البار الى ٩ والالة م فيها قيج ف تحتاج تشتري ضغط بار من محل السباكه وتتأكد من البار كم عندك والاغلب بيكون ١٥ الى ١٤ بار وتغير الشاور سكرين وتاخذ واحد افضل من اللي يجي مع الالة وبالحالتين الالة جيده واذا عدلت عليها راح تصير افضل بكثير 👍
ياهلا فيك اخوي عبدالعزيز، موضوع البار في البرو يقال انها ١٥ بار الضغط للبويلر لكن الي يوصل للقروب هيد هو ٩ ثابت، بخصوص الشاور سكرين صحيح قريت عن الموضوع لكن يبغالي ابحث من وين القى افضل لاني اخاف اشتري ويكون نفس الي عندي، اسعدني ردك ومرورك اخوي عبدالعزيز، ولي الشرف اني رديت عليك وبالتوفيق لك
@@man9tube الشاور سكرين فيه انواع كثير وانت بنفسك راح تشوف الشاور سكرين حقك وتشوف انواع ثانيه تختلف بعدد الفتحات والصفوف ان م خاب ظني ان البرو الصفوف فيها تقريبا ١٠ صفوف من اول الشاور سكرين الى وصلك للمسمار اللي بالنص ومن كل جهه نفس العدد ممكن كلامي يكون غير واضح بس خذ لك نظره على الشاور سكرين وراح تفهم قصدي ومن ناحية الشاور سكرين اذا بتغير راح تحصل نوع فيه ١٥ صف تقريبا من بداية الشاور سكرين الى وصلك للمسمار ويكون منحوت بالليزر يسمونها قصة ليزر وراح تشوف في كل فتحه وحده فتحات كثير مقدر ارسل لك صوره هنا بس تقدر تتواصل معي تويتر وراح اوريك اياه bablo_sa
اولا جزاك الله خير على عدم وضع الموسيقى بالنسبة للمكينة : دامها ب٢٩٠٠ مع طاحونتها فسعرها كويس وانا عندي باريستا اكسبرس وفعلا تعطيني شيء معقول وطاحونتها معقولة ، استعرت مطحنة بارتزا سيتي ٢٧٠ سعرها ب١٨٠٠ وجربتها فعلا فيه فرق بس طاحونة البريفل مو سيئة ابدا كذلك لو تبي تسوي ترقية لأرخص مكينة فوق البريفل فراح ناخذ اوسكار ٢ سعرها ب٤٠٠٠ (ارتفع سعرها) وتحتاج تغيير للربلة والمسمار ، ومطحنة باتراتزا سيتي ب١٠٨٠ يعني اكثر من ٥ الاف ! واذا تبي فوق ناخذ روكيت ابارتمنتو ب٦٠٠٠ مع باتراتزا٢٧٠ ب١٨٠٠ يعني قرابة ال٨ وهكذا فيه مجموعة ب١٠ وب١٢ الين ناصل مكينة سلاير المنزلية اللي سعرها ب٣٧ ألف وطاحونة ب١٠ الاف ! فالخلاصة مكاين القهوة الاحترافية بحر واللي يحدد هذا كله هو (كم تبي تدفع ) مو مزانيتك يعني قد تمتلك ٥٠ ألف بالبنك بس انك تعتقد ان شراء ركن قهوة ب١٠ الان تضييع فلوس ! و والبريفل لا منافس لها في سعرها فهذا مايميزها وتعطيك شيء كويس بصراحة
حياك الله اخوي ، انت اختصرت كلامي وبحثي كله في كم جملة ماشاء الله عليك ، صحيح كلامك بضبط وكمبتدئ اشوف ان الواحد ياخذ له بريفل شي ممتاز يتعلم وبعد كذا ممكن يسوي ترقيه وهو مرتاح وفاهم عالم القهوة صح بكل انواعه
الله يعطيك الف عافيه ... بصراحة لي شهر مستمتتتتتتع جدا مع الآله ... جربت مستويات الطحنة وعدد الثواني كلها ،، وتوصلت الى الطحنة ٩ والثواني ١١ وحصلت نتيجة استخلاص رائعة ... شرايك ؟
موفق ان شا الله اخ منصور وربنا يباركلك فيها وبالهناء والعافية يارب واتوقع ان شا الله حتى الايحائات والعطريات مع الوقت والممارسة راح تقدر تطلعها ان شاء الله من هذه الاله الى حد كبير
السلام عليكم ايش رايك بريفل باريستا ولا الاوسكار ٢ ، وبالنسبه للجهاز انا جيت اطلبه من برا قالولي لو تطلبها من برا بتكون ٥٠ هرتز غير عندنا بالسعودية ٦٠ هرتز فا بيضعف اداء الجهاز والمطحنه هل هذا صحيح ؟ وهل اقدر الاقي بالمواقع الي برا ٦٠ هرتز ، وشكراً .
وعليكم السلام، للأمانه انا ماكان لي تجربه للأوسكار ولا اقدر افتيك الا في الآله الي عندي بس كثير يقولون ان الاوسكار افضل بس طبعاً السعر بختلف معاك ومحتاج مطحنه والبعض يتكلم عن قطعه حقت الضغط لازم تركبها، بخصوصاً موضوع الكهرباء انا ويا ٢ من زملاي كلنا ماخذينها من امازون البريطاني ولا واجهتنا اي مشكله للحين وانا معاي برو والاثنين معاهم اكسبرس وماشيه معاهم زي الحلاوة، كل المواقع الدوليه اذا كانت ٢٢٠ فهي ٥٠ هيرتز لكن اذا الشي هذا مهم بالنسبه لك مالك الا تاخذها من السعودية في عندك الوكيل نفسه بيريفيل السعودية تقدر تشتريها منه وبالتوفيق لك
لو سمحت انا عندي نفس الجهاز صار له عندي تقريبا اسبوعين ومن وسيط وبنفس السعر اخذته لكن للاسف مافهمت طريقة استخدامها ولا ضبط معي لا استخلاص ولا تبخير اذا ماعليك امر تشرح لنا ف مقطع كيفية برمجتها واستخدامها وكل ايقونة وزر ايش معناه وكيف اضبط الاستخلاص وهل احتاج ميزان عشان اضبط كمية البن وكميك البن المستخلص ؟ وكيف اضبط الاستخلاص الصحيح ؟؟ وللاسف مافيه مقاطع لها الا كم مقطع اجنبي بصراحة ماانكر اني بديت احس بالندم اني طلبتها وفضلتها على باريستا اكسبريس ارجوك وارجو من لديه الجهاز وضبط معه يشرح لنا لو بالكلام ف التعليقات
لا تستعجل اهم شي في الجهاز الصبر لين توصل لشي المرضي يحتاج وقت لين توصل هم شي البن يكون محمص جديد في تاريخ التحميص و الحليب المراعي واحاول تجرب من صفر وانت طالع لين توصل لنتيجه مرضيه اذا عديت هذا المرحله الحليب امرو بسيط
بالعكس تراها افضل من اكسبريس لكن كمبتدئ كان ممكن يساعدك عداد الضغط لكن متى مافهمت الاستخلاص ماراح تهتم للعداد كثير راح يبان معاك بالنظر وبالطعم، ابشر احاول اسوي مقطع وانزله وراح اكتب لك رد هنا بأذن الله
علي الفلاحي ياهلا اخوي علي، اذا تدور التوفير اخذ الاكسبرس واذا عادي معاك الزيادة في المبلغ اخذ البرو، التبخير نفسه في الالتين وياخذ منك تقريبا من ٣٥ لين ٤٠ ثانية
صحيح يا صاحبي لان الاله تجارية مو اله احترافيه غالية، تعطيك سنتين بأذن الله او اكثر يعتمد على استخدامك لها، طبيعي يا صاحبي مقارنة بسعرها، تقدر تمد عمرها الافتراضي بشراء مطحنة خارجية لان الشي الوحيد هو الي يقلل اداءه هي المطحنة بحكم انها داخليه في الجهاز فا مع الأستخدام تتأكل ويقل ادائها
@@lozarnms8794 البريفل تعطيك سنتين او ثلاث او اكثر ويعتمد على استخدامك لكن بنسبه لها كا أله تعتبر رخيصه مقارنة بالألات الأخرى فهي ممتارة جداً للمبتدئين في عالم القهوة تعلمهم اساسيات القهوة وايضاً تعلمهم هل صنع القهوة في المنزل احد هواياتهم وشي يحبونه ولا بس شهوة لحظة وبعدين الشخص يعود للكافيات ويصير عمل كوب بنفسه امر ثقيل بالنسبة له، فا الواحد يستثمر في اله بسعر معقول ويشوف وضعه احسن من انه يشتري بمبلغ عالي ثم ممكن يشوف ان ها الشي مو هواية له ويتركها ويكون خسر كثير
ما شاء الله عليك وفيت أخوي منصور. استفسار بسيط اذا ما عليك أمر. اتوقع شريتها من Amazon UK. كم كلفك شحنها للسعودية غير سعرها الأصلي. وأيضا بالنسبة للفلاتر. الجميع يشتكي انها غالية وغير متوفرة ومالها بدائل رخيصة وفلاتر الفحم القديمة ما تركب عليها.. انت كيف حليت هذي المشكلة.
انا اشتريتها من وسيط ٣٠٠٠ ريال مع الشحن لو انت تطلبها بتوفر اكثر الجهاز ماعليه كلام اخذا افضل جهاز من سعر وجوده بالنسبه للقطع تقدر تحصلها في موقع علي اكسبرس متوفر في امزون
adnan alghussein صحيح اخذتها من امازون بريطانيا وطلعت معاي شامل الشحن وكل شي ٢٧٠٠، نصيحة اذا تبي تقلل سعر الشحن اشترك في Prime التجريبي وبينزل سعر التوصيل لك
@@adnanalghussein3067 الفلاتر بالنسبة لي ماتهمني بحكم اني استخدم ماي مفلتر مايحتاج اني احط الفلتر، الفتلر يهم الاجانب لان بعض المرات الماي الي من الحنفية يكون مش مستواه يصلح تسوي فيه قهوة، انا عندي ماي نوفا علب كبار وايضاً مركب فلتر ماي في البيت فا مايحتاج اني اركب واحد جديد بعدين ابداً
يعني الي نشربها من بري قد حسينا بالروائح والنكهات العطرية ؟ عني انا ما اعتقد بالعكس الكفيهات ماراح تعطيك غير بن تجاري حتي لو انها تبيع لك بن ممتاز عشان كذا اقنعني شرحك
موقع اوروبي او سعودي بيكون الكهرب ٢٢٠، البريطاني والسعودي يمتازون ان الاثنين نفس الفيشه بضبط الثلاثيه، اذا شريت من موقع الوكيل نفسه فا الكهرب بيكون ٢٢٠ والفيشه المناسبه وايضاً اذا مهتم بالهيرتز فا بكون متوافق مع السعودية ٦٠ هيرتز
@@colorsandkids3886 حقيقة جربت محاصيل كفة بالإيحاءات ولو كانت مكينة اللي أستخدمها احترافية كان ممكن تكون الإيحاءات أكثر ظهورًا ومع ذلك ظهرت. قريبا بشتري مكينة شبه احترافية. القهوة أصبحت مساحة روقان يومية وضرورية بالنسبة لي.
بسألك عن التبخير عمره وقف معاك فجأة بأول ١٠ ثواني تقريبا؟ واختلف معاك في موضوع النوتات، الموضوع يعتمد على الماكينه و نوع البينز يعني ممكن تعطيك ٥٠٪ من الايحائات وهذي نسبة ممتازه للمتذوق العادي ،وغير كذا تعطيك قهوة اذا اتقنت استخدامها افضل من كثير مقاهي.
leen naif تصير معاي اذا شغلت التبخير وقفته على طول، على حسب بحثي في الموضوع ان البويلر نفسه ماكان جاهز فا يفضل اول مايبتدي البخار تخلينه شوي كذا ثلاث ثواني بعدين توقفينه وبعد كذا تشغلينه وتحطين الحليب. وتبخرينه، النوتات بخصوصها بدا الموضوع يتطور اكثر واكثر، صحيح تعطيني حوالي ٥٠٪ حالياً من النوتات ومرة مرضيتني بس باقي القى البن المثالي لي وللحين في بحث وتقصي علماً بأني اشرب القهوة مع حليب عادةً
مرحبا اخوي عندي لك سوال في ناس قالو اذا حطيت المطحنه الداخليه ٤ او تحت مع الايام تكسر وتخرب المطحنه هل هذا الكلام صحيح ولا ما ياثر لانه القهوه ماتظبط عندي الا على الطحنه الداخليه ٣
صحيح لكن بعض المرات تحتاج انك تعدلها داخلي اجباري ولا ماراح تضبط، وهي في النهاية يا اخوي صالح على استخدامك، المطحنة على حد قرائتي ان لو تعطيك سنتين فهي نعمه وفي ناس وصلت معاهم ثلاث، والخيار لك
يعطيك الف عافية ،، بس اكتشفت ان ضغط هالمكينة من المصنع عالي يوصل ل14 او 15 بار وهذا الشي الي مايعطي استخلاص ممتاز ويبغالها تعديل ، فلما نزلتها الى 9 بار تقريباً صار فررررق والطعم افضل وطبعاً طريقة تغيير الضغط موجودة في اليوتيوب
الباربستا ماكس مافي اي معلومات عنها للأمانه وكأني اشوف شركتين ثنتين ينتجون الآله وحده منه صن بيم، احسها من الشكل بكل صراحه ان جودة التصنيع مش لهناك فا ما اتوقع انها بتكون كويسه بصراحه، على العموم لتو نزلت فيديو شرح مقارنة ثلاثة اجهزة من شركة بريفيل وكل مميزات واحد والفروقات مابين الاجهزة
عندي سؤال ' انا معي بريستا برو المهم حاط الطحنة الداخلية اربعة والخارجية ١٥ وامورها تمام ' نفس نوع البن صار بعد فترة لا تطلع كمية كبيرة يعني تحتاج تنعيم زيادة مع ان نفس البن ' نزلتها الداخلية ٣ والخارجية ١٦ وضبطت معي الحين رجع نفس الشي تحتاج تنعيم مع ان نفس البن ' وش القصة ؟ وهل بتستمر كذا لان على هالحال لاوصلت لدرجة ١ الداخلية اتوقع بعد كذا تصير المطحنة غير فعالة !؟ اتمنى اللي عنده علم يخبرنا
سلام الزين صراحه كان عندي قبلها ديلونجي اليتا فل اتوماتيك ماتقارن بهذه جدا جميله واستخلاصها حلو وايضا الاستماع في صناعه قهوتك وتبخيرها افضل من اختها الي بدون شاشه ومكينه موفره وصراحه ما اقدر اعيش بومي بدون ما اسوي لي كووبين يوميا من غير اسبتنيش
عوافي وتتبارك فيها لكن ما قلت كيف تقدر تحس بنكهات القهوه لانو بشوف حقين الروكيت يقهرووون الاستخلاص والطعم تعطيك النكهه الصح الكذا ابقي اعرف يهمني الطعم يطلع اولا لكن تعرف نبقي مكينه رخيصه واسفه على الاطاله
ياهلا فيك اخوي ابوعبدالرحمن حياك الله، بخصوص الطحنة المناسبة للأمانه الي يقولك رقم معين مو شرط تضبط عندك لان كل بن يختلف عن الأخر وكل حمصه بعد تختلف اذا صارت تو محمصه او لها فترة يفرق برقم زيادة او رقم اقل، وايضاً اذا المطحنة الداخليه معدله او لا، ابحاول انزل فيديو اسوي فيه ضبطية طحنة على بن جديد واعلمكم المبدئ الي امشي عليه وكيف اوصل لأفضل استخلاص، اذا على موضوع التبخير، ابيك اذا ماعليك امر تاخذ جوله في فيديوات القناة راح تشوف فيديو اسمه تبخير الحليب وشرحت فيه طريقتي كامله، اضفني سناب شات اذا حاب اساعدك بشي وبكون سعيد لو ساعدتك وبالتوفيق لك
في مواقع كثير، في موقع باريستا تولز، وفي موقع اسمه مستر كوفي كلهم مواقع سعودية، بس بحكم فيروس كورونا التسوق في ها المواقع كان عالي مرة وبعض الاغراض مو موجودة لكن مكتوب راح تتوفر قريب ، اذا تبيني اعطيك روابطهم راسنلي في السناب شات او الانستقرام واعطيك ياهم mansour-alnoaim
EMA HASNAA الدبل شت في نوعين ، في المضغوط وغير مضغوط ، المضغوط هو حق البن المطحون مسبقاً او المطحون حالياً بس الطحنة مو اكيد سليمة ويعدل الاخطاء الطحنة ، اما الغير مضغوط هذا الي اسختدمه انا والي لازم ان يكون الطحنة سليمه والتوزيع سليم ، المفترض المضغوطة يكون استخلاصها واحد بس مايتغير فا هذا الاستخلاص تبعها، السبب انهم حطوها لان في ناس تبي استخلاص سريع بدون التفكير في الطحنة المناسبه او التوزيع المناسب حق الناس المستعجلين مثلاً في الصباح وكذا
الفروقات بختصار، البرو تكون جاهزة بعد ثلاث ثواني، شاشة تتحكم فيها بشكل سهل، مطحنه فيها ٣٠ طحنة، تبخير اسرع، تقدر تتحكم بحرارة القهوة، الشاشة تعلمك وش جزء محتاج تنظيف الأكسبرس مافيها شاشة لكن فيها عداد الضغط الي بساعدك كمبتدئ انك تضبط القهوة ونزولها، محتاجه وقت علشان تكون جاهزة، ماتدري اي جزء تنظف بحكم ان فقط يشتغل معك لمبة clean me لكن مو موضع كان بتنظف السخان ولا القروب هيد، مطحنتها ١٥ رقم لكن بشكل عام مايأثر كثير، ماتقدر تتحكم بحرارة القهوة هذا الفروقات الي في بالي الان والمقطع تكلمت عن الفروقات بشكل بسيط واتمنى اني افدتك اخوي فهد وبالتوفيق يارب
ياهلا فيك اخوي خالد، التامبر في مواقع كثيرة الي يناسب الاله ٥٤ او ٥٣ اثنينهم واحد، وغير علي اكسبرس او امازون في متاجر سعودية تبيعها بأسعار معقوله ٨٠ او ٩٠ ريال، كل التامبر الموجودين برا بكونون افضل من الي تجي مع الجهاز بمراحل لان الي تجي مع الجهاز مرة سيئه
ياهلا فيك يا ليان، اثنينهم ممتازين للمبتدئ، البرو تقدم مميزات اكثر مثل ماتكلمت في نفس الفيديو وبرضوا فيديو بعد عام ونصف استخدام بتوضح لك الصورة كاملة، واذا تبين معلومات اكثر ضيفيني سناب وبأذن الله راح افيدك اكثر
ياهلا اخوي، انا معاي مثل الشي لكن هذا مو من الآله يا اخوي، هذا من الفيش عندك مو مشبوك في كيبل الارضي (Ground cable) مما يسبب ها الشي، عندي الفرن نفس الشي برضوا محتاج البس شوز علشان ما يشفط، اذا تبي تتأكد من كلامي البس شوز وانت تسوي قهوة وبتشوف ماراح يجيك ماس كهربائي ابد
@@AbuMona81 تو شفت الاله، اولاً هي مو بريفيل، شركه ثانيه ياصاحبي شركة سن بيين, الي واضح معاي ان الآله عاديه للأمانه واضحه جودة التصنيع مو قويه ونسخ لصق من بريفيل، صحيح رخيصه لكن ما ادري احس مغامرة مافي تجارب لها في اليوتيوب الا معلنين بس مافي مستخدمين عاديين، برضوا فكرة انك تنزل البورتوفيلتر على تحت علشان ينزل الكافي مع الوقت راح ينكسر احس
Mansour Noaim هي شركة تصنع اجهزة كهربائية، ومو رخيصه مع الشحن تكلف حول ٢٣٠٠ ريال، عموما احتمال اطلب سيج المديل اللي قبل عندك وبدون شاشة . لان تفرق حول ٨٠٠ ريال. والصراحة ٢٠٠٠ ريال اشوف كفايه على آله زي كذا.
ياهلا فيكي اختي، التامبر والموزع انا شريتهم من امازون الامريكي لكن في مثلهم برضوا في مواقع سعودية، التامبر خلص الي مثل حقي لكن في تامبر ثانين ممتازين وبسعر ممتاز، واذا عن تغير البن نعم واضح جداً التغير والنكهات موجودة وحلوة لكن طبيعي مو بقوة الأجهزة الغالية مرة لكن انا بالنسبه لي كشخص مدمن قهوة مختصه كاسين الا ثلاثه في المقاهي سابقاً، الجهاز صراحه مغنيني ومعطيني كوب قهوة مرضي ومالي راسي ومنسيني الكافيات من ٧ شهور تقريباً مادخلت الا مرتين او ثلاث كافي ولا صرت افكر فيهم ابداً على ان سابقاً كنت اول ما افتح عيوني اقول وين بروح اي كافي شوب باخذ قهوتي لكن الحين الحمدلله شريت مزاجي وراحتي، ويبيض وجهك يارب ولاتهونين وبالتوفيق لك واسف على الاطالة
ياهلا فيك اخوي سيف، انا شريت الاله من امازون البريطاني بتكلفة ٢٧٥٠ ريال تقريباً، افضل منها موجود لكن بتوصل لين سعر ٤٥٠٠ الى ٥٠٠٠ تقريباً، هذي الاله الي عندي افضل سعر متوفر لها حالياً تقريباً من ٢٩٠٠ الى ٣٢٠٠ ريال وبتكون من خارج السعودية الطلبيه، اذا عندك استفسارات اخرى اخوي سيف ضيفني في سناب شات وراح اوفيك بجميع المعلومات بأذن الله
اذا تقصدين الاله والله ماعندي اي خلفيه صراحه عن متاجر الرياض اذا متوفره ولا لا ، واذا كانت بسعر مناسب او لا ، انا الي اعرفه ان الجهاز مقطوع حالياً ونادر تلاقينه في المواقع الاجنبية او حسابات الانستقرام على كلام متابعيني
ياهلا فيك اخوي عبدالله، ما وضحت سؤالك مقارنة ايش مع ايش لكن في فيديو انا منزله في قناتي اسمه الموضوع الشامل عن اجهزة بريفل، فيه مقارنه بين ثلاث اجهزة وبأذن الله بساعدك في الاختيار، واذا على اللون جميل الابيض ويعتمد على ذوقك وديكور حولين الأله
Rannosh Alamoudi ياهلا اختي، للأسف اي جهاز يشتريه الواحد لابد يشتري ادوات خارجية، لكن من حسن الحظ ان اكسسوارات بريفل رخيصة بحكم ان حجمها مختلف مقارنة بالأحجام الأكبر الي غالية مرة ، في وجهة نظري ان التامبر الي يجي مع الجهاز متواضع جداً ومحتاجه موزع ومحتاجه ميزان وايضاً اذا في امكانية بورتوفلتر مكشوف يكون احسن واحسن لان يعلمك اخطاءك
ياهلا اختي روان، انا طالبها من نوفمبر ٢٠١٩ وكان عليها عرض وصلتني تقريباً لباب بيتي ٢٧٥٠ ريال كامل ، لكن الحين للأسف اقل سعر ممكن الواحد يحصله ٣٢٠٠ الا اذا كان محظوظ وصاد عرض ، طلبته من امازون البريطاني طبعاً
@@faf4182 عادي يا اختي، بس تشترين محول علشان تتحول الكهرباء عندك لين ٢٢٠ ويكون يتحمل الجهاز وانصحك افضل محل ساكو علشان تاخذين منه محول وتكونين مطمنة اكثر
مافي اي شي يا اختي روان، مجرد تركبين الجهاز ككل مع فلتر المويه وراء بعد غسلة وتنظيفه وكل شي وبعدين تشغلين الأله وخلي طحنتك على رقم ٥ كأول رقم لك وبالتوفيق لك يارب، اذا بغيتي مساعدة ضيفيني سناب وبكون سعيد اني اساعدك
@@man9tube انا شاريه باريستا اكسبرس واول مره استخدام وعندي سوال لما اجي استخلص احط بروجرام وبعدين سنقل او دبل شوت،او انه على طول اختار دبل او سنقل شوت من غير بروجرام؟
بالنسبه لي للأمانه البرو افضل مع المميزات الي فيها، الاكسبرس مو سيئه وفي كثير ماخذينها ومبسوطين لكن للاسف السعر متقارب الان تقريباً في السوق فا مع المميزات حق البرو اشوف انها الافضل
ياهلا اختي مايا، الباريستا برو مختلفه في الشاشة ( مو لمس ) وبرضوا الجهاز يكون جاهز بعد ٣ ثواني تقريباً، التبخير افضل بس بشكل مو ملحوظ كثير لكن اسرع، الجهاز مايطول في عملية التحول من استخلاص الا تبخير، الشاشة تعطيك ميزة تعلمك وش تنظفين السخان او القروب هيد لكن في الاكسبرس بس في لمبة التنظيف لكن ماتدري وش تنظف، اذا محتاجه اسوي فيديو فروقات ممكن اسويه وانزله قريب، اذا عندك اي استفار اخر حياك في سناب تبعي اشرح لك كل شي وخصوصاً لما تشترين الاله راح اساعدك علشان توصلين لافضل استخلاص مثل ماساعدت الكثير mansour-alnoaim
سامي بن محمد اذا ضغط يا صاحبي عليها ما ادري والله كيف اداءها معك بتكون ، بس اعتقد انها مو حقت مشاريع الي بتسوي فيها ٢٠ كوب او اكثر في اليوم واذا سوت اتوقع بتخرب بعد فترة بسيطة لانها مو حقت كرف عالي مثل الأجهزة الأيطالية
شريتها من امازون البريطاني، لو متابعني سناب امس تكلمت عن الروابط وافضل الطرق الي ممكن تشتري فيها الجهاز مع الاوضاع الراهنه مع كورونا وشح وجود الاله في الوقت الحالي
يقولون الأوسكار افضل لكن محتاجه انك تغيرين صمام الضغط الداخلي، وايضاً تشترين مطحنة، انا بالنسبة لي كنت محتار مابينهم صراحه واتخذت القرار اني اخذ بريفل اني ابغى جهاز واحد فيه كل شي وخلصنا ماحبيت اتقروش وازيد اجهزة علي لأني في النهاية مبتدئ وقريت كثير يقولون ان بريفل جهاز ممتاز للمبتدئين الي حابين يتعلمون وصراحه الكوب الي اسويه الأن مرضيني، لكن اذا لك مزاج تاخذين الافضل وماعندك مشكلة في ان جهازين اثنين اشتري اوسكار ٢
Ghada al ياهلا فيك اختي غادة ، شريتها من امازون البريطاني قبل كورونا في نوفمبر ٢٠١٩، حالياً كثير يقول مو متوفرة بس اذا لقيت موقع يوفرها راح اتكلم عنه في سنابي ، اضيفيني سناب واتشرف بمتابعنك 👍🏻