༼ས་ག་ཟླ་བའི་ཚེས་བཅོ་ལྔ་༽ སྤྱི་ལོ་༢༠༢༤ ཟླ་༥ ཚེས་ ༢༣
གནས་མཆོག་སྟག་མོ་ལུས་སྦྱིན་ཁྲ་འགུ་བཀྲ་ཤིས་ཡང་རྩེ་དགོན།
སྤོས་སྣེ་གསར་སྦྲེང་གིས་དབུ་ཁྲིད་དེ་སྟེན་པའི་སྐུ་འདྲ་དང་༧སྐྱབས་རྗེ་རིན་པོ་ཆེའི་སྐུ་པར་གདན་དྲངས་ཏེ་སྟག་ལུས་མཆོད་རྟེན་ཆེན་མོར་ཞབས་སྐོར་ཕེབས་པ།
࿐དེ་རིང་སྤྱི་ལོ་༢༠༢༤ ཟླ་༥ ཚེས་༢༣ སྟོན་མཆོག་ཤཱཀྱ་ཐུབ་པའི་དུས་ཆེན་ས་ག་ཟླ་བའི་ཚེས་བཅོ་ལྔ་དང་། ཞི་བར་གཤེགས་པ་དཔལ་ལྡན་རྩ་བའི་བླ་མ་སྐྱབས་རྗེ་མཁན་ཆེན་ཁྲ་འགུ་རིན་པོ་ཆེ་མཆོག་གི་ལོ་མཆོད་དགོངས་རྫོགས་རྗེས་དྲན་ཉིན་མོར། གནས་མཆོག་སྟག་མོ་ལུས་སྦྱིན་ཁྲ་འགུ་དགོན་དུ། རྗེ་དབོན་ཆོས་རྗེ་བླ་མ་དང་མཆོག་སྤྲུལ་དམ་ཆོས་རིན་པོ་ཆེ། མཁན་སློབ་བླ་མ་དགེ་འདུན་ཡོངས་ནས་སྔ་དྲོ་ཆུ་ཚོད་༦ པར་སྤོས་དུང་རྒྱ་གླིང་ལྷ་དར་སེར་སྦྲེང་གིས་སྟོན་མཆོག་ཐུབ་པའི་སྐུ་བརྙན་དང་སྐྱབས་རྗེ་རིན་པོ་ཆེའི་བརྙན་པར་མཐོང་གྲོལ་ཆེན་མོ་གཙུག་ལག་ཁང་ནས་སྤྱན་དྲངས་ཏེ་ན་མོ་བུདྡྷ་མཆོད་རྟེན་རིན་པོ་ཆེེར་མཆོད་སྐོར་མཛད་ཅིང་། ཆུ་ཚོད་༨ པ་ནས་སྒྲ་སྒྱུར་གྱི་རྒྱལ་པོ་མར་པ་ལོ་ཙཱ་བའི་བླ་སྒྲུབ་སྒོ་ནས་བླ་མའི་དགོངས་རྫོགས་མཆོད་འབུལ་ཞུས་པ་དང་། དཔལ་ས་སྐྱའི་ཐར་ལམ་དགོན་གྱི་མཆོག་སྤྲུལ་༧སྐྱབས་རྗེ་སྡེ་གཞུང་རིན་པོ་ཆེ་མཆོག་དང་། དགེ་ལྡན་བསྟན་པའི་གསལ་བྱེད་༧སྐྱབས་རྗེ་སྒོ་སོག་རིན་པོ་ཆེའི་ཕྱག་མཛོད་ལགས་དང་། གདན་ས་དཔལ་སྤུངས་ཤེས་རབ་གླིང་གི་མགྲོན་གཉེར་ཆེན་མོ་བླ་མ་བསྟན་རྣམ་ཤཱསྟྲཱི་ལགས་དང་། དགོན་སྡེ་ཁག་གི་སྐུ་ཚབ་མཁན་བླ་རྣམས་དགོངས་རྫོགས་རྗེས་དྲན་དུ་ཆེད་ཕེབས་བཀའ་དྲིན་བསྐྱངས། དེ་བཞིན་འདི་རིང་སྟོན་པའི་དུས་ཆེན་ཁྱད་པར་ཅན་དང་སྟབས་བསྟུན་གྱིས་དཔལ་ལྡན་བླ་མའི་རྣམ་ཐར་རྗེས་དྲན་ཆེད་ཀཋ་མན་གྲུ་མཐོ་སློབ་ཁང་དུ་དཔེ་མཛོད་ཁང་གསར་བཞེངས་ཆེད་ས་བསླངས་ཆོ་ག་གནང་གྲུབ་པ་དང་། ཕྱི་དྲོ་ཆུ་ཚོད་༥:༣༠ནས་༦:༣༠ བར་ན་མོ་བུདྷཱ་མཆོད་རྟེན་ཆེན་མོའི་དྲུང་ཁྲ་འགུ་འདུས་སྤྱི་དང་དད་ལྡན་ཞལ་སློབ་ཀུན་གྱིས་དད་མོས་གདུང་ཤུགས་ཀྱིས་རྩ་བའི་བླ་མའི་སྐུའི་འཁྲུལ་མེད་ཡང་སྲིད་གང་མྱུར་འབྱོན་པའི་སླད་བླ་སྒྲུབ་དང་མྱུར་བྱོན་གསོལ་འདེབས་མར་མེ་སྨོན་ལམ་བཅས་གསུངས་ཏེ་ལོ་མཆོད་དགོངས་རྫོགས་རྗེས་དྲན་ཐོག་མཐར་བར་གསུམ་རྣམ་དཀར་དགེ་བའི་ངང་དུ་མཇུག་ལེགས་པར་གྲུབ་བོ། །སརྦ་མངྒལ།།
Video by: Lama Tashi Wangchuk, Karma Jangchub and Purpa Dorje
Edited by: Lama Tashi Wangchuk
Rinpoche’s Official website: www.rinpoche.com
Thrangu Media Facebook: / thrangumedia
Soundcloud: / thrangumedia
#thrangumedia #thrangurinpoche #wesak #buddhapurnima #parinirvana #buddhajayanti #chojelama #tulkudamchorinpoche #kagyu #thrangumonastery #thrangufamily #buddhism #namobuddha
3 окт 2024