Миний Монгол
Монгол нутгийн гол мөрнөөр ундаалсан би
Морьтон ардын дуу хуураар хөглөгдсөн би
Тоост зам, аяны харгуйд хөл дээрээ тэнцсэн би
Тоймгүй олон баатруудын гавъяаг сонссон би
Зам, толгод, уул ус, шувууг чинь би
Заяасан амьдарлаа дуустал хайрлана би
Завсаргүй хөвч ой, гол мөрнийг чинь би
Залуу насны гэрэлт амраг шигээ энхрийлнэ би
Дахилт
Хоёр дахин төрвөөс энэ л нутагтаа эргэнэ ээ
Хоёр дахин үхвээс энэ л нутагтаа дуусна
Хорвоод миний хаяг - Миний Монгол
Холоос давхисан хүлэг морь шиг - Эх орон
Дахилт
Үүл нэвтэлсэн Алтайн оргил дууг минь өргөнө
Үүр гийсэн Дорнын тал хайрыг минь хүлээнэ
Үзэж харсан бүхэн үнэн гайхамшиг
Үхэшгүй мөнхийн алдар үгүйрэшгүй холын нутаг
Дахилт
Яруу дуут галуудын ганганаанд хаврыг чинь би хайрлана
Яргуй дэлгэрэх хаврын сард уулсыг чинь би шүтнэ
Жигдхэн хүнгэнэх хуурын эгшгэнд бууриа тэлж
Жилийн жилд өндөрсөх толгодыг чинь би ширтэнэ
Дахилт
Энэ биенээс минь дуссан хөлс бүхэн
Эх орон чиний хөрснөөс тариа болон ургаасай
Эгэл хэдэн шүлэгнээс минь сонсдох аялгуу бүхэн
Элэгдэшгүй хайрын минь баглаа цэцэг болоосой
5 сен 2024