Hər birinizi xoş gördük. Hazır olun, çünki eşitdiklərinizə inanmayacaqsınız. Orta böyüklükdə bir yağış buludunun 100 fil ağırlığında olduğunu bilirdinizmi? Bəli, səhv eşitmədiniz. Göy üzündə süzülən pambığa bənzər bir topa buludu təxminən 500 ton suya, yəni orta hesabla 100 filin ağırlığına bərabərdir. Bəs yüzlərlə ton ağırlığında olan bu buludlar, sizcə göy üzündə necə dayanır? Buludlar havada toplanan gözlə görünən su damcıları və ya buz kristallarından əmələ gəlir. Yer səviyyəsindən yüksəkdə meydana gəlirlər. Yer səviyyəsində yarandıqda isə buna sis deyilir. Atmosferdə sıxlaşan milyonlarla damcı və 0,01 mm diametrə malik kristallar bütün görünən dalğa ölçülərini əks etdirdiyi üçün ağ rəngdədir. Boz və ya qaraya yaxın rənglər yalnızca qalınlıqlarının artdığı və ya günəş şüalarını keçirmədikləri zaman olur. Başımızı qaldırıb göy üzünə baxdığımız zaman gördüyümüz standart bir bulud düşünək. 1 m2-lik buludda yalnız 0,5 qr su vardır. Ancaq unutmayın ki, göy üzündə süzülən orta böyüklükdə bir bulud 1 km2, hətta ondan daha böyük həcmdə olur. Bu qədər həcmli olduqda tərkibindəki suyun miqdarı da 500 tona qədər çatır. Bu nəhəng rəqəmlər təəccüblü görünür. Göy üzündə asılı qalan 500 ton su. Bu demək olar ki, 100 filin bir yerdə olması deməkdir. Bu qədər ağırlığın altında təhlükəsiz yaşamağımız bir möcüzədir. Bəli, Allah fizika və kimya qanunlarını elə ecazkar bir şəkildə yaradıb ki, əslində heç hiss etmədən möcüzələr zəncirində yaşayırıq.
