#Zeytun #Quyruq #Yağ
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
Çoxlarımız onun adını eşidəndə ağzını büzür, heç vaxt yemərəm deyir. Lakin o keçmişdə nənə-babalarımızın uzun ömürlük resepti olub. Söhbət quyruq yağından gedir.
Quyruq yağı bu gün müasir mətbəxlərdə nadir hallarda istifadə edilir. Onu kabab və sac yeməklərində görsək də, qoxusu və dadına görə əksəriyyətimiz yaxın durmur da. Amma səhv edirik.
Bu gün bir bax kanalında ən təmiz yağlardan biri olan Quyruq yağından danışacağıq. Diqqətiniz bizdə olsun! Dəyərli izləyicilər, aşağıda yerləşən bəyən düyməsinə basaraq bizə dəstək olun.
Keçmişdə nənə-babalarımız daha uzunömürlü və sağlam olublar. Müasir dövrümüzdə nəinki 60-70, hətta 35-40 yaşlarından artıq insanlarda qocalma prosesi gedir, müəyyən bir yaşa çatdıqda isə müxtəlif xəstəliklərdən əziyyət çəkirlər. Bu cür vaxtsız qocalmanın və xəstəliklərə düçar olmanın səbəbi isə yaşam tərzi ilə yanaşı, həm də qidalardır.
Azərbaycan mətbəxində müxtəlif növ yağlardan istifadə edilir. Bu yağların bəzilərinin faydası olsa da, bəziləri səhhətimiz üçün ziyanlı sayılır.
Quyruq yağı heyvan mənşəli yağların içində ən təbii və ziyansızıdır. Bərkdir, şəffafdır, tutumludur. Yağ turşuları ilə zəngindir. Qoyun piyi və quyruq yağı asan həzm olunur. Həzm sisteminə, qana və qaraciyərə ağırlıq vermir.
Əridilmiş quyruq yağı həm də dərini cavanlaşdırır. Yüksək kalorili qidadır, hətta az miqdar qəbulu belə orqanizmin enerji təminatını ödəyir və toxluq hissi yaradır. Quyruq yağının tərkibindəki A və B1 vitamini beyin hüceyrələrini aktivləşdirir, yaddaşı, görməni gücləndirir, immuniteti möhkəmlədir.
Aparılan araşdırmaya görə, gənc yaşlarından istifadə edilməyə başlanılan quyruq yağı qocalan zaman ortya çıxan oynaq xəstəliklərinin qarşısını alır. Günəbaxan yağı kimi omega turşuları ilə zəngin olduğu üçün ürək, damar xəstəliklərinə olduqca təsirlidir.
100 qram quyruq yağında 50 faiz yağ turşusu, omeqa-9 var. Bu da hüceyrə membranı üçün həyat enerjisi deməkdir. Bundan başqa, quyruq yağı soyuqdəyməyə, yanıqlara, bronxitə, kürək bel ağrılarına da faydalıdır.
Keçmişdə nənələrimiz soyuqdəyməsi olan insanların kürəyinə quyruq yağı çəkib masaj etməyi tövsiyə edirdilər. Rematizmə, qulunc, titrətmə və iflic xəstəliklərinin müalicəsində zeytun və quyruq yağı qarışdırılaraq krem halına gətirilir. Dəriyə çəkilərək masaj edilir.
Türkiyəli professor Canan Karatay quyruq yağını əridib içməyi tövsiyyə edir. O bildirir ki, Anadoluda quyruq yağını əridib içmək ədətdir və buna görə də orada insanlar 90-95 yaşına qədər yaşayır. Deyirlər ki, yağ ürək xəstəliyinə səbəb olur. Burada Trans və ya marqarin dediyimiz yağlardan söhbət gedir. Bəli, bu yağlar çox zərərlidir.
Bəs maraqlıdır, quyruq yağının zərəri varmı?
Tərkibində 60 faiz doymammış yağ ehtiva etdiyindən quyruq insan sağlamlığı üçün faydalı hesab edilir. Lakin həddindən artıq istifadə infarkt və xərçəng riskini artırır. Mədə, qaraciyər, yüksək təzyiq, ürək və böyrək narahatlığı olanlar bu yağın istifadəsini məhdudlaşdırmalıdır. Quyruq yağı ilə bişirilən yeməklər qanda yağ və xolestrinin miqdarını artırdığı üçün ürək xəstəliklərinə səbəb ola bilər. Bu xəstəliklə risk altında olanlar mümkün qədər quyruq yağından az istifadə etsələr, daha yaxşı olar.
Həkimlər quyruq yağı yeyə bilməyənlərə təbii zeytun yağından istifadə etməyi tövsiyyə edir. Bu yağ həzm sisteminə çox yaxşı təsir edir. İstər soyuq olsun, istər isti, zeytun yağı mədəni ətraflı şəkildə qoruyucu bir təbəqəylə əhatə edərək mədə turşusunu azaldır. Qastrit və xoraya qarşı qorumada təsirli yardım edir. Həzmi asan olan zeytun yağı qidaların bağırsaqlar tərəfindən çox daha yaxşı sorulmasını təmin edən bağırsaqların işini tənzimləyir.
Zeytun yağı öd daşı meydana gəlmə riskini azaldır. Dalaqda daş əmələ gəlməsinin qarşısını alar. Sarılığa və qaraciyər sancılarına yaxşı təsir edər. Oruc tutanlar, səhər yeməyində bir xörək qaşığı zeytun yağı içsə öd kisəsi və bağırsaqları rahatlaşdıracaq.
Səhər naharından əvvəl qəbul edilən 1 və ya 2 xörək qaşığı zeytun yağı sadə xroniki qəbizliyə yaxşı təsir edir. Daha yaxşı nəticə üçün suyla qarışdırıla bilər. Hemoroid şikayətlərini aradan qaldırır. Bu yağ isti olaraq içilir.
Zeytun yağı normal sümük inkişafına kömək edir. Ana bətnində və doğumdan sonra körpənin beyninin olduğu qədər, ümumiyyətlə, sinir sisteminin inkişafını da dəstəklədiyinə görə, hamilə və süd verən analara xüsusilə faydalıdır.
Zeytun yağı yaşlanmanın, həm ümumi olaraq toxuma və orqanlar, həmdə beyin funksiyaları üzərindəki təsirlərini gecikdirir.
- Yüksək təzyiqi salır.
- Qan şəkəri səviyyəsinin düşməsinə kömək edər.
- Ağrı, revmatizm, burxulma və əzələ dartınmalarında; zeytun yağı sürtülür. Qapalı yanıqlarda zeytun yağı sürtülərək istifadə edilir.
26 сен 2024
