Buzovnada Xəzər dənizini şəxsi obyektinə çevirənlər kimlərdir? - APA TV 

#APATV #buzovna #çimərlik #hasar #xəzərdənizi #sakin #vətəndaş #obyekt #dəniz #qanunsuz #məmur #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023
Buzovnada Xəzər dənizini şəxsi obyektinə çevirənlər kimlərdir? - APA TV
Söhbətləşdiyimiz Buzovna sakinləri də vəziyyətin ürəkaçan olmadığını bildirdilər. Onların sözlərinə görə, çimərlik ərazisində hasarlanmamış çox az yer qalıb.
Buzovna sakini, aktivist Elşad Əsgərli də bildirir ki, dildə "dəniz xalqındır" deyilsə də, bunu əyani şəkildə görmək mümkün deyil. Çünki dəniz kənarında dincəlmək istəyən vətəndaşlar hasarları aşmaq üçün kilometrlərlə yol getməli olurlar.
Mövzu barəsində daha ətraflı fikir sahibi olmaq üçün hasarlanmış ərazidə yerləşən “Glam beach” adlı məkana yaxınlaşdıq. Şirkətin əməkdaşı olduğunu bildirən şəxs hasarların qanunsuz olmadığını dedi.
Buzovna qəsəbəsi inzibati ərazi üzrə Xəzər Rayon İcra Hakimiyyətinə tabe olduğundan məsələyə qurumdan münasibət öyrənməyə çalışdıq. Qurumun İctimai-siyasi və hümanitar məsələlər şöbəsinin müdiri Gülbala Qurbanova dəfələrlə zəng etsək də, zənglərimizə cavab vermədi. Üz tutduq Xəzər Rayon İcra Hakimiyyətinə. Gülbala Qurbanov bizimlə əlaqə saxlayacağını və məsələ ilə bağlı səlahiyyətli şəxsin Buzovna inzibati ərazi dairəsinin rəhbəri Emin Əliyev olduğunu bildirdi.
Lakin bütün cəhdlərimizə baxmayaraq, Emin Əliyevi heç yerdə tapa bilmədik. İş başında deyildi, zənglərimizə də cavab vermədi. Qurumun əməkdaşları isə onun harada olduğunu bilmədiklərini söylədilər.
Qurumlar arasında yollarda qalsaq da, həm vətəndaşların, həm də bizim suallarımıza cavab verəcək kimsə tapılmadı. Ancaq əminik ki, ərazidə bircə dirək belə basdırsaydıq, 50 yerdən 50 məmur gələcəkdi. Nə qədər kameralardan qaçsalar da, həm media, həm də sahibi olduğu dənizdən uzaqlaşdırılan xalq bu hasarların necə və niyə çəkildiyini gözəl bilir. Bu qədər etirazlara baxmayaraq niyə sökülmədiklərini də...
Mövzuya qayıdacağıq.
LƏMAN SALEHOVA
HƏZRƏT BAYRAMLI
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: ru-vid.com...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv