Sefydlwyd Ysgol Theatr Maldwyn yn 2004 gyda’r nod o gynnig cyfleoedd i bobl ifanc y Canolbarth ddysgu sgiliau theatr, megis canu, actio a dawnsio. Mae’r cwmni iau yn cyfarfod ar nos Iau yng Nghanolfan Y Banw a’r cwmni hŷn ar nos Fawrth yng Nghanolfan Glantwymyn.
Ers ei sefydlu, mae'r Ysgol wedi creu nifer o gynyrchiadau gan gynnwys sioeau newydd fel ‘Crib, Siswrn a Rasel’ a ‘Llwybr Efnisien’ yn ogystal â chynyrchiadau newydd o ‘Nia Ben Aur’ a ‘Pum Diwrnod o Ryddid’. Rhyw fath o fabi newydd yw Ysgol Theatr Maldwyn; babi a anwyd i Gwmni Theatr Maldwyn a fu'n perfformio sioeau a ysgrifennwyd gan Linda Gittins, Penri Roberts a’r diweddar Derec Williams am dros chwarter canrif. Ffurfiwyd Cwmni Theatr Maldwyn yn 1981 pan berfformiwyd ‘Y Mab Darogan’ yn Eisteddfod Genedlaethol Machynlleth. Yna dros y blynyddoedd, daeth sioeau megis: ‘Y Cylch’, ‘Y Llew a'r Ddraig’, ‘Myfi Yw’, ‘Pum Diwrnod o Ryddid’, ‘Heledd’ a'r sioe olaf ‘Ann!’ a berfformiwyd yn Eisteddfod Genedlaethol Meifod yn 2003
Dyma berfformiad o ‘Cân Nansi’ gan Gôr Ysgol Theatr Maldwyn.
Ysgol Theatr Maldwyn was formed in 2004 offering opportunities to young people to learn theatre skills - such as singing, acting and dancing.
Here they perform ‘Cân Nansi’.
11 сен 2024
