Azərbaycan ədəbiyyatı. Cəlil Məmmədquluzadə yaradıcılığı. #edebiyyat #CəlilMəmmədquluzadə #Anamınkitabı #Azərbaycanədəbiyyatı #bədiiəsərlərinməzmunu #tragikomediya #SərvərAğayev @BƏDİİƏSƏRLƏRİNMƏZMUNU @Ədəbiyyat Dünyası
Janrı: Tragikomediya Mövzusu: Milli birlik İdeyası: Vətənə, xalqa, ana dilinə məhəbbət. Əsərdə qaldırılmış başlıca problemlər: 1. Soykökündən uzaqlaşmağın acınacaqlı nəticələri. 2. Xalqa yadlaşmış ziyalıların məslək ayrılığı. 3. Milli müstəqillik və milli birliyin vacib olması. Yazıçının bu mövzuya müraciət etməsinə səbəb iyirminci yüzilliyin əvvəllərində Azərbaycanda yaranmış mürəkkəb ictimai-siyasi vəziyyət, xalqın və ölkənin qarşılaşdığı problemlər, bu problemlərin həlli yolları olmuşdur. Əsərdə vətənə sədaqət, ana dilinə məhəbbət, ailəyə bağlılıq kimi milli-mənəvi dəyərlər ön plana çəkilmişdir. Qardaşların xarakter və əməlləri üçün mühüm olanlar bunlardır: Rüstəm bəy zahirən təmkinli, demokrat fikirli adam təsiri bağışlayır. Mirzə Məhəmmədəli xasiyyətcə daha tünd olduğu kimi qatı mühafizəkarlığı, kobudluğu ilə seçilir. Səməd Vahid həlimtəbiətli adam təsiri bağışlasa da, yersiz inadkarlıqda qardaşlarından geri qalmır. Ortaq cəhətləri: Atalarının arzusuna uyğun olaraq ali təhsil almışlar, lakin vətənlərinə fayda verən elm-bilik sahibi, kamil mütəxəssis kimi qayıtmamışlar. Hər biri doğma yurdlarına təhsil aldıqları ölkənin mənafeyinə uyğun əqidə ilə dönmüşlər. Düşüncələrinə hakim kəsilən yad əqidə onlar üçün milli birlik və vətənpərvərlik anlayışının üstündən qələm çəkmişdir. Əsərdə Gülbahar qardaşların kitabını yandırmaqla müxtəlif ölkələrdə təhsil alan qardaşların bir-birinə yadlaşmalarına etirazını bildirir. Ananın oğullarının əsas faciəsi öz milli köklərindən ayrılmaları, Vətən naminə birləşmək zərurətini anlamamaları olmuşdur. Əsərdə çarizmin senzura siyasətinə də toxunulmuşdur. Mirzə Cəfərin dili ilə çar hakimiyyətinin Azərbaycanla bağla narahatlığı ifadə olunmuşdur. Əsərdə hadisələr nə üçün bir ailə çərçivəsində verilmişdir? Çünki burada ailə cəmiyyətin rəmzi kimi götürülmüşdür, qardaşlar da XX əsrin əvvələri üçün səciyyəvi olan müxtəlif sosial qrupları, mənafe və əqidələri təmsil edirlər. "Anamın kitabı" əsərdəki üç qardaşın komediyası, ananın faciəsi, Gülbaharın dramıdır. Gülbaharın monoloqu milli birlik marşı kimi səslənir. "Anamın kitabı" Azərbaycanın milli birlik kitabıdır.
Maşallah super 👍👍əla amma ki Sərvər müəllim videoları bir az uzun edin yəni əsas sözlər kimin ağzından deyilib oları deyin və yaxud əsər bitəndən sonra 1 2 dəq deyin çünki imtahana əsasən elə suallar düşür amma yenə də əladı
Maşallah gününüz olsun. İzlədiyiniz üçün təşəkkür edirəm. Var olun. Obrazların nitqinə yer verirəm yeri gəldikcə. Amma çox yer verdikdə də xırdaçılıq olur,məzmun dolaşıq olur. Onun üçün də obrazın deyəcəyi sözləri məzmuna xələl gəlmədən təhkiyə əsasında özüm çatdırıram. 😊
Salam. Gözəl gününüz olsun. Təşəkkür edirəm. Var olun. Təəssüf ki,bu videoda fon səsi çox olub. İzləyicilərin iradından sonra artıq fon səsindən istifadə etmirəm .
Salam müəllim , cox sagolun. Bir sualim olacaq əsərin təhlili ilə bagli. Üçüncü məclisdə qardaşlar tutduqlari yolun birləşə bilməyəcəyini öz dilləri ilə təsdiq edirlər - bu dogrudurda eləmi?
@@user-sf1de9of7f düzdür ki,Rüstəm bəyin dilindən bunu duyuruq. Amma əsas Gülbaharın dilindən eşidirik ki,qardaşların tutduqları yol mənasızdır,faydasızdır,sonu birləşə bilməyəcək.
Dəyməz. Təşəkkür edirəm. Əlbəttə, çətindir yaşlı müəllimlər üçün. Yenə cavanlar oxuyub nəsə yadda saxlaya bilirlər. Allah yaşlı müəllimlərə can sağlığı və dözüm versin. Bəzən biz gənclər də bəzi şeyləri unuduruq, çətinlik çəkirik, xüsusilə,ədəbiyyatda. Ona görə də yaşlı müəllimlərimizi çox gözəl başa düşürük. İnşallah bu imtahanlar hər birimiz üçün uğurlu olar. İstədiyimiz nəticəni əldə etmiş olarıq. Hamıya uğurlar.
Nə asan ,nə də çətin. Orta səviyyədə olacaq,məncə. Qarabağ universitetinə də tələbə cəlb etmək üçün çox da çətin olmayacaq. Mən belə düşünürəm. İnşallah yaxşı olar.