Camaat Band 2024-cü ildə Bakı şəhərində yaradılıb. Qrupun əsas fəaliyyət istiqaməti xalq mahnılarımızı və digər yerli musiqilərimizi yeni nəsilə uyğun pop rok, folk rok, alternativ rok və digər musiqi janrlarında ifa etməkdən ibarətdir.
Camaat Band Bəxtiyar Vahabzadənin "Bir salama dəymədi" şeirinə əsasən, ilk dəfə olaraq özünəxas janrda yeni bir parça hazırlayıb.
SÖZLƏRİ:
Bu gün mən səni gördüm,
Salam vermək istədim,
Üzünü yana tutdun.
Söylə, illərdən bəri
Qəlbimizin bir duyub
bir vurduğu illəri,
Axı, nə tez unutdun?
Beş ildə gözümüzdən axan o qanlı sellər,
Bir salama dəymədi?
Heç üzümə baxmadan yanımdan necə keçdin?
Sən eşqin salamını qorxuyamı dəyişdin?
Yoxsa sən öz əhdinə, ilqarına ağ oldun?
O qədər yaxın ikən, bu qədər uzaq oldun.
Şirin gülüşlərimiz, acı fəğanlarımız
Bir salama dəymədi?
Qayğılı anlarımız, qayğısız anlarımız
Bir salama dəymədi?
Sən neylədin, bir düşün!
Yalnız indi anladım; ah, sən daha mənimçün
Əlçatmaz bir çiçəksən,
Yaşanmış günlərim tək geri dönməyəcəksən!...
Qop ey tufan, əs ey yel! Xəzəl olum, tökülüm
Düz beş il ürəyimdə
Bəslədiyim məhəbbət, bir salama dəymədi.
Bir günlük həsrətimə dözə bilməyən gülüm,
Bəs nə oldu? Bu həsrət bir salama dəymədi?
Getdin, dalınca baxdım, can ayrıldı canımdan,
Sən necə etinasız ötə bildin yanımdan?
Ah çəkdim, başım üstə yarpaqlar əsdi, gülüm,
Sənin qəlbin əsmədi.
Arxana da baxmadın!
Niyə sənin yolunu məhəbbətin kesmədi?...
Qazancımız de, bumu?
Deyilməmiş o salam əlvidamız oldumu?
Sən mənə zülm eylədin, mənə zülm yaraşır.
Bir salama dəyməyən eşqə ölüm yaraşır!
bir salama deymedi, Bir salama dəymədi, bir salama, bir, salama, deymedi, yerli rock, azeri rock, azeri indie rock, yeni mahnilar
#CamaatBand #birsalamadeymedi #FolkRok
21 май 2024