Bu həyat elə həyatdır
Adam baxır gözü dolur
Yavaş yavaş öyrənirsən
Əvvəl əvvəl çətin olur
Mənsə öyrənə bilmədim
Yaşamağı yaşatmağı
Sınmağıma bəs elədi
Kiminsə bir daş atmağı
Mən bir zaman istəmədim
Yaşamadım bu dəhşətdə
Yum gözünü nə görürsən
Boşluq , qaranlıq əlbəttə
O ,boşluqda, qaranlıqda
Mən bir həyat yaratmışam
Yalnız orda xəyallarda
Mən hər arzuma çatmışam
Buraxmaram öz dünyama
Haqsızları , nadanları
Çünki mən ora yığmışam
Təmiz qəlbli insanları
Biz bu xəyal sakinləri
Bilmirik heç əğyar nədir
Heç adın eşitməmişik
Zalım nədir, qəddar nədir
Bu həyatda yaşamırıq
Ömür yükün daşıyırıq
Xəyallarda yaşamaqçün
Bu dünyada yaşayırıq
Yaşamaq da deyil ki, bu
Nəfəs gəlir, nəfəs gedir
Amma gəl ki , qulağıma
Nə səs gəlir , nə səs gedir
Bu sehrli yerdən məni
İstəyirlər ayırsınlar
Əlləşirlər , vuruşurlar
O kəs gelir bu kəs gedir
O kəslər çox yaxşı bilir
Onlar ora düşməyəcək
Mənə düşən qızıl balıq
Sizin tora düşməyəcək
Yalandan da deyirlər ki
Bu dünyada səadət var
Xəyalların uydurmadır
Bu dünyada həqiqət var
Yalan sözdür bu dünyada
Vəfasızlıq, xəyanət var
Bu dünya etibarsızdır
Ölüm,itim fəlakət var
Mənim dünyam başqa cürdür
Zülm yoxdur ədalət var
Əyləncəyə çevrilməmiş
Pak sevgi var məhəbbət var
Mən özüm yaratdığımın
Qarşısında baş əyirəm
Xəyalpərəst bir insanam
Xəyallarla yaşayıram.
17 фев 2021