#珠海長隆海洋王國
#珠海長隆宇宙飛船
#珠海湯悅汗蒸溫泉
#珠海長隆秀
🧳Klook/KKday 酒店住宿+自助餐+兩天門票抵玩之旅😍 （買咗飛船酒店🚀及橫琴灣酒店🐬各一套，兩間都各有優點，中間訂的迎海酒店公寓🏨是平價三星之選，所以冇留影）
🌟珠海長隆住宿玩樂小tips-
✨如小朋友較細最好住企鵝酒店，可步行入海洋王國，攰又可以返酒店休息。
✨玩宇宙飛船果日要住飛船酒店，因為係連住嘅。
✨住飛船酒店上28樓無邊際泳池（免費）、或upgrade飛船或企鵝酒店的煙花景房都可看到每晚海洋王國放的煙花。而我果間不是煙花房，所以只看到少少。
✨橫琴灣酒店有個海豚池，早上9：00有專人餵海豚，其餘時間都可到池邊睇海豚，真係好近。
✨如於園區酒店住，可乘shuttle bus往返酒店及樂園，不過未必夾到時間，如唔想等可以打車去，每程都係RMB$10內。
✨小朋友於兩個園區都可以問工作人員/清潔姨姨/賣物人員索取閃卡，有海洋生物及樂園人物，可練大膽又有紀念價值。
✨於宇宙飛船玩記得先於入口處索取一本手冊，如遊覽途中蓋滿10個印章便可到櫃位換禮物一份。
✨個人經驗，任何劇場早20-30分鐘入場已經可以坐都較前座位，如中間只餘較後位置，寧願要偏側少少但較前，因為通常兩邊都會被照顧到。
✨長隆秀買普通座（不設劃位）就夠好了，但5：00開場，最遲要4：15入到，因大堂會有雜技人員供人合照，而普通座如揀不到前中位，又係寧側莫後，尤其要近地面大走廊（即玩樂篇中恐龍出場位），因無論表演間場/左出右入時都會安排人員於走廊上演出，到時反而VIP位背對睇唔到。對小學生及成人（因睇得明及坐到1.5小時）誠推此show，好好睇！
9 апр 2024
