［Sumariu］
Kafe Timor naturalmente organiku no uniku iha mundo.
Atu aumenta produtividade kafe iha Timor, iha rekizitu oin-oin, no kondisaun balun difisir atu muda hanesan moras ou mudansa i klima.
Cooperativa COCAMAU koko identifika variedade kafe ne’ebe sira kuda hela no foti fini atu habelar iha to’os foun.
Haruka amostra kafe sanak no tahan sira ba laboratorio iha nasaun seluk, no identifika kafe nia variedade mak Hybrido de Timor, kafe ne’ebe iha resistensia makas ba moras ferugem.
Ho resultado ida ne’e, Cooperativa COCAMAU sei koko aumenta kuda kafe iha Maubisse hodi hamorin Timor nia naran iha mundo, no mos rai hela rikusoin kafe ba gerasaun tuir mai.
16 окт 2024
