(දඹුල්ල කාංචන කුමාර ආරියදාස)
2024.04.29
හිටපු ඩී අයි ජි පොලිස් ජීප් එකෙන් කම්බි කට්ට ගෙනල්ලා ගම්මුන්ට තර්ජනය කරලා කාන්තාවක් සමග වැව් තාවුල්ලේ ඉඩම් අල්ලනවා.
දඹුල්ල ගොවිජන සේවා මධ්යස්ථානයෙන් පරිපාලනය වන දඹුල්ල යාපාපාගම ඉපැරණි වැවේ වැව් රක්ෂිතය අල්ලා ගෙන වගා කිරීම් කටයුතු හා සංචාරක හෝටල් ඉදිකිරීමේ සම්බන්ධයෙන් රාජ්ය නිලධාරින් තම වගකීම නිසි ලෙස ඉටු නොකිරීම නිසා ගොවි ජනතාව බරපතල ප්රශ්නයකට මුහුණ පා ඇතැයි යාපාගම ගොවී සංවිධාන සාමාජික යෝ චෝදනා කරති .
වසර ගණනාවක සිට ඉතා සූක්ෂම ලෙස අක්කර භාගයක පමණ පුද්ගලික ඉඩමක් දීගෙන මෙවන විට රාජ්ය නිලධාරීන්ගේ මෙන්ම විශ්රාම ගිය නියෝජ්ය පොලිස්පති වරයකුගේ මැදිහත්වීම මත මෙම වැව් ඉස්මත්ත අල්ලාගෙන කොන්ක්රීට් කණු සවිකොට තිබෙන බවත් ඔවුහු චෝදනා කරති.
එමෙන්ම නිවාඩු දිනයන්හිදී බැකෝ යන්ත්ර යොදාගෙන එසේ අල්ලා ගත් ඉඩම් වන මේ දිනවල හෝටලයක් ඉදිකරනවාට අමතරව පස් හාරා නියරවල් දමා ගොවිතැන් කිරීම සඳහා බිම් සකසන බවද ජනතාව චෝදනා කරති.
මේ වන විට වසම භාර කෘෂිකර්ම නිෂ්පාදන සහකාර නිලධාරීවරිය හරහා ගොජන සේවා නිලධාරීන් දැනුවත් කොට ඉදි කිරීම් තාවකාලිකව නවතන ලෙස ලිඛිතව එම ඉඩමේ හිමිකාරීනිය වන බද්රා කුමාරි නැමැති අයට ලිඛිතව දන්වා තිබෙන බවත් ඊට අමතරව ඉඩමට ඇතුළුවන ස්ථානයේ දැන්වීමක් අලවා ඇති බව ගොවීන් පෙන්වා දෙති.
එවැනි වකවානුවක් තිබියදී මේ දිනවල දිවා කාලයේ මෙන්ම රාත්රී කාලය ද බැකෝ යන්ත්ර යොදවා ගෙන මීට පෙර සූක්ෂම ලෙස අල්ලා ගත් වැව්තාවුල්ල හාරා පස් ගොළඩවල් ගසන බවද චෝදනා කරති.
යාපාගම ප්රදේශයේ පදිංචි ගොවීන් කියා සිටින්නේ කුබුරු අක්කර පනහකට අධික ප්රමාණයක් දෙකණය අහස් තියෙන් මෙම වැව යටතේ ගොවිතැන් කර ජනතාව ජීවත්වන බවය
විශ්රාම ගිය යෝජ්ය පොලිස්පතිවරයකු නිරන්තරයෙන් මෙම ඉඩමේ රැඳී සිටිමින් රාජ්ය නිලධාරීන්ට මෙන්ම පදිංචිකරුවන්ටද බලපෑම් එල්ල කරන බවත් ඇතැම් අවස්ථාවන්හිදී මෙම කම්බි කණු පොලීසියට අයත් ජීප් රථවලින් රැගෙන ඒම සිදුකළ බව ඔවුන් වගකීමෙන් යුතුව ප්රකාශ කරන්නට විය . ඔහු මෙම ඉඩමට පැමිණෙන අවස්තාවන් හි රථ වාහන පොලිසියේ නිලධාරීන් යතුරුපැදිවලින් ඉඩමට පැමිණෙන බවදූ චෝදනා කරති.
ගොවීන් විසින් නගන මෙම චෝදනාව පිළිබඳව හිටපු නියෝජ්ය පොලිස්පති රවී විජේ ගුණවර්ධන මහතාගේ අප විමසීමේදී කියා සිටියේ තමන්ගේ ඥාතී කාන්තාවක් මෙම ඉඩම මිලදීගෙන යාපෘතියක් ආරම්භ කොට තිබෙන බවය
තමන් කිසිදු ආකාරයකින් රාජ්ය නිලධාරීන්ට හෝ පොලිස් නිලධාරීන් යොදවා නීති විරෝධී කිසිදු ක්රියාවක් සිදු නොකළ බවත් එම චෝදනාව සම්පූර්ණයෙන්ම ප්රතික්ෂේප කරන බව සඳහන් කළ අතර මීට පෙර නිලධාරීන් සහ පොලීසිය මැදිහත් වූයේ නම් මෙම ප්රශ්නය මෙතරම් දුරට දික් ගැස්සෙන්නේ නැති බව සඳහන් කරන්නට විය
. මෙම ඉඩම් අත්පත් කර ගැනීම පිළිබඳව ඉඩමේ හිමිකාරිය බව කියන භද්දා කුමාරි මහත්මියගෙන් විමසීමේදී කියා සිටියේ ඇය සින්නක්කර ඔප්පු සහිත ඉඩමක් මිලදීගෙන සංවර්ධන කටයුතු සිදු කරන බවය
ගොවි ජන සේවා දෙපාර්තමේන්තුව මගින් දන්වා ඇති පරිදි ඇය ඉඩම් ඇල්ලීමක් හෝ වැට ගැසීමක් සිදු කර නැති බවද තමන්ට හිමි ඉඩමේ වගා කිරීම සඳහා අවශ්ය පසුබිම සකසා දැමීම සිදු කළේ යැයි ද ඇය සඳහන් කළාය
තමන්ට ඇති විවිධ බලපෑම් නිසාවෙන් ඥාති වන හිටපු නියෝජ්ය පොලිස් පති වරයාගෙන් ආරක්ෂාව සහයෝගය ලබා ගත් බවත් එතුමා කිසිදු ආකාරයෙන් නීති විරෝධී ක්රියාවක් සිදු නොකළේ යැයි ද සඳහන් කරන්නට වූවාය.
දඹුල්ල යපආගම වැවේ සහ ඉස්මත්ත කිසියම් පිරිසක් අල්ලාගෙන ඇත්ද එවැනි පැමිණිලි ලැබී තිබේදැයි ගත් ක්රියා මාර්ග කුමක්දැයි දඹුල්ලන ගොවිජන සේවා කාර්යාලයේ ප්රාදේශීය නිලධාරී සම්පත් කුමාර මහතාගෙන් වීමසීමේදී කියා සිටියේ මේ වන විටත් ඉඩම් ඇල්ම සහ වැටවල් ගැසීම තාවකාලිකව අත්හිටුවන ලෙස ලිඛිතව දැනුවත් කොට ඇති බවය
ඉදිරියේ දී පරීක්ෂණ කටයුතු මේ වන විටත් ආරම්භ කොට ඇතැයි ඒ මහතා පැවසිය
දඹුල්ල ප්රාදේශීය ලේකම් පියල් ජයසූරිය මහතාගේ අප විමසීමේදී කියා සිටියේ යාපාගම වැව පමණක් නොව සළු අපුල්ලන වැව පහළ වැව ඇතුළු නගරයේ වැව් රැසක් විවිධ කණ්ඩායම් අත්පත් කරගෙන ඇති බවට තමන්ට වාර්තා වී තිබෙන බවයිි.
එහෙත් රජයේ ඉඩමක් නොවන නිසා තමන්ට සෘජුව මැදිහත්වීමට නීතියෙන් අවසරයක් නැති බවත් මෙම තාවුළු සහ වැව් ඇල්ලිම සිදුකර ඇති ඉඩම් සියල්ලම දඹුල්ල රජමහා සතු ඉඩම් බවත් එතෙම පැවසිය
3 окт 2024