Imajina, edifisiu ba postu saúde foun ne’ebé mak konstrui ona besik iha ita-boot sira nia hela fatin, maibé postu refere seidauk bele funsiona durante kuaze tinan 4 nia laran ona. Lor-loron, ita sempre la’o liu husi postu saúde nia oin, maibé odamatan postu nian sei nafatin xave metin, resintu saúde ne’ebé mak laiha doutór, infreimeiru/a, no mós laiha ekipamentu. Ida ne’e estrañu, maibé ne’e mak realidade ne'ebé mak komunidade sira iha suku Atudara, postu administrativu Cailaco, munisípiu Bobonaro hasoru durante ne’e. Espera katak preokupasaun ne’ebé komunidade sira enfrenta bele rezolve husi parte responsevel sira iha tempu badak nia laran.
31 июл 2023
