(දඹුල්ල කාංචන කුමාර ආරියදාස)
2021.07.27
එළවලු සොරාගන්නා කණ්ඩාම් හා කවුද මේ "නාඩි" කණ්ඩායම රජ කරන නොනිදන නගරය .
එළවලු මිල ඉහළ යෑමත් සමග දඹුල්ල ආර්ථික මධ්යස්ථානය තුල එළවළු සොරකම සහ නැවතත් "නාඩි" වෙළඳාම හිස එසවීම නිසා එළවළු නිෂ්පාදනය කරන ගොවි මහතුන් එළවළු මිලදී ගැනීම සඳහා පැමිණෙන ව්යාපාරිකයන් දැඩි අසීරුතාවයකට පත්ව සිටින බව ව්යාපාරිකයන් මෙන්ම ගොවි ගොවීන් චෝදනා කරති.
කාලයක් තිස්සේ දඹුල්ල ආර්ථික මධ්යස්ථානය තුළ "නාඩි " නමින් හඳුන්වන කණ්ඩායමක් ඉතා සූක්ෂම ලෙස ගොවි නිෂ්පාදන මිලට ගෙන අතරමැදියන් ලෙස පෙනී සිටිමින් එකම එළවළුව අවස්ථා කිහිපයක් දඹුල්ල ආර්ථික මධ්යස්ථානය තුලම අලෙවි කිරීම සිදුවේ . එම නිසා මෙම කණ්ඩායමට නාඩි නම් වූ අන්වර්ථ නාමය යෙදී තිබෙන බව ඔවුහු පෙන්වා දෙති.
මේ දිනවල දඹුල්ල ආර්ථික මධ්යස්ථානය තුළ එළවළු මිල විශාල වශයෙන් ඉහළ ගොස් තිබේ . එම ඉහළ ගිය එළවළු මිල දී ගෙන තම වාහන වලට පැටවීම සහ වෙළඳස සැල තුළ තබා තිබියදී සොරකම් කිරීමේ ක්රියාවලියක් ද නිතර නිතර දඹුල්ල ආර්ථික මධ්යස්ථානයෙන් වාර්තා වේ. මේ හේතුව නිසා සමස්ත පාරිභෝගික ජනතාවට සිදුව ඇත්තේ ඉහළ ගිය එළවළු මිලෙන් බැට කෑමටය . කෙසේ වෙතත් ආර්ථික මධ්යස්ථානය ඇතුළත එළවලු මිල දී ගැනීම සඳහා පැමිණෙන ව්යාපාරිකයන්ට එළවළු වැඩි මිලට මිලදී ගැනීමට සිදුවීම එමෙන්ම සොරකම් කරන ලද එළවලු සඳහා අනෙක් අලෙවිකරණ එළවළු වලින් එම මුදල පියවා ගැනීමට සිදු වීම තවත් කරුණකි.
8 сен 2024