HEADLINES:
1. Taiwan Expo, 2024 New delhi-a neihah Chief Minister Pu Lalduhoma khuallian a ni.
2. New Delhi-a cham mek, Chief Minister Pu Lalduhoma chu Tukin khan Chief of Army Staff, General Upendra Dwivedi sawmna angin Tukthuan an eidun a, inkawmna hun tha tak an nei.
3. Aizawl South II bialtu MLA Pu Lalchhuanthanga chuan, a bialchhung Salem veng leimin avanga chhungkua pariat te in sawnchhuahna hmun a tlawh.
4. Kolasib bialtu MLA, Deputy Speaker Pu Lalfamkima'n vawiin khan a bial chhung Kolasib Project veng All NGO-te inkawmhona a neih pui.
5. Mizo National Front Founder President Pu Laldenga thih champha vawi 34-na pualin tukin khan a thlan, Treasury Square ah hun hmangin pangpar dah a ni.
6. ZPM Legal Dept chuan Mizoram Sorkarin CBI hnena General consent a pek nawn chungchang an sawifiah.
7. Mizoram Journalists Association General Headquarters in vawiin khan General Body meeting an nei a, an pawl thil pawimawh hrang hrang an sawi ho.
8. Rev. Dr Lalchungnunga Mission for Christ Founder leh President vuina hun chu vawiin khan Mission For Christ Headquarters Durtlang Leitan Hermon ah hman a ni.
9. Prime Minister Narendra Modi chuan India leh Russia te inkungkaihna chu kum sawm kalta chhunga nasa taka a than thu a sawi.
10. Odisha-a cham mek President Droupadi Murmu chuan Bhubaneswar-a Udayagiri puk a tlawh.
11. Supreme Court chuan NEET-UG kaihhnawih thubuai chungchanga dilna hrang hrang a dawnte vawiin khan a ngaihtuah.
12. Supreme Court chuan hmeichhe hnathawkte thla tin hunbi avanga chawlh lak, menstrual leave chungchangah dan mumal tak siam turin, sorkar laipui chu state leh hemi kawnga hotute nen inrawnkhawm turin a hriattir.
13. Union Minister G. Kishan Reddy chuan ram hmasawn tura hmalakna, Viksit Bharat tihhlawhtlinna atan ram chhunga damdawi siamchhuak tute thlawpna an mamawh thu a sawi.
14. Kum 2024 Joint Military Exercise MAITREE chu Thailand-ah Indian Army leh Royal Thailand Army ten an nei mek.
Follow DD Mizoram:
/ ddnewsmizoram
/ ddnews_mizoram
/ ddnewsmizoram
5 окт 2024