HEADLINES:
1. Union Information and Broadcasting minister Ashwini Vaishnaw chuan vawiin khan biakhmuhtheih kaltlangin Indian Institution of Mass Communication (IIMC) Aizawl-a Apna Radio Aizawl 90.0 FM a hawng.
2. Chief Minister Pu Lalduhoma'n vawiin khan a pisaah Mizoram Peoples' Forum hruaitute kawmin a kaihhruai sorkar chu mipuiten rilru thar pua an din a nih angin, lang tlang leh huapzo taka a kal zel tur thu a sawi.
3. Disaster Management & Rehabilitation Minister Pu K.Sapdanga'n vawiin khan a pisaah JICA leh NDMA mithiamte kawmin chhiatrupna thleng thulh a Mizoram dinhmun an sawiho.
4. Art & Culture Minister Pu C Lalsawivunga'n vawiin khan ni hnih awh tur 'International Seminar on Mizo Tobul Chhuina' hmanpuiin mi tam tak thinlungah hnam chungchanga harh tharna - hnam movement a thleng mek a ni, a ti.
5. Mizoram Lok Sabha MP Pu Richard Vanlalhmangaiha'n vawiin khanUnion Civil Aviation Minister Ram Mohan Naidu Kinjarapu chu vawiin khan a pisaah hmuin Mizoam chhim lamah Airport siam chungchang a sawipui.
6. Mizoram Rajya Sabha MP Pu K.Vanlalvena'n Parliament Monsoon Session neih mek ZERO HOUR-ah ram pawn atanga Kuhva leh Sawhthing lak luh tih tawp a phut thu a sawi.
7. Chief Minister Pu Lalduhoma hnenah Indian Oil, AOD, State Office, Chief General Manager DP Vidyarthy chuan vawiin khan Gas bur thar (composite cylinder) a hlanin, Mualkhanga Bottling Plant chu ni tin bottle 6000 chuang thun theihna tura an thuam that chhoh tur thu a sawi.
8. Mizoram chhunga Fostering Climate Resilient Upland Farming System in the North East (FOCUS) Project hnathawh dan thlir letna, 'Brainstorming Session', ni hnih awh tur chu vawiin atang khan neih a ni.
9. Mizoram Class IV Contractor Association chuan thuchhuah siamin Mizoram Class IV Contractor-te'n cheng nuai 50 hu chauh hna an thawh theih thin chu cheng nuai 250 hu thawk theiah hlankai an nih tawh thu an tarlang.
10. India rama damdawi in tha bik tehna, NQAS Certification chu Sialhawk Public Health Primary Centre (PHC) hnenah pek a ni.
11. Mara Autonomous District Council (MADC) Fur thutkhawm, ni hnih awh chu vawiin khan zawhfel a ni.
12. President Droupadi Murmu chuan khawvel boruak inthlak danglam leh khawvel lum zel avanga harsatna kan tawh mekte zirlaite hnenah a hrilh.
13. Prime Minister Narendra Modi leh UK Foreign Secretary David Lammy ten ram pahnih inkungkaihna chungchang New Delhi-ah an sawi dun.
14. Parliamentary Affairs Minister Kiren Rijiju chuan eptu hruaitute chu ram chhung inrelbawlna sawichhiaah a puh.
15. Union Minister for Women and Child Development Annapurna Devi chuan hmeichhiate chawikan kawnga sorkarin hma a lak nasat thu a sawi.
16 Supreme Court judge Justice Sanjiv Khanna chuan Lok Adalat chu buaina chinfelna atana hmanraw pawimawh tak a nih thu a sawi.
17. Catholic puithiam Marathi tawnga Bible letlingtu, Father Francis D’Britto chu tukin khan a chenna, Maharastra-a Vasai ah kum 81 mi niin a boral.
Follow DD Mizoram:
/ ddnewsmizoram
/ ddnews_mizoram
/ ddnewsmizoram
7 сен 2024