Esta semana non subimos ó Faiado, pero si que subimos á montaña. A 960 metros, cun frío que pela, pero coa calor da xente da Fonsagrada, gravamos o terceiro episodio desta temporada. Un capítulo diferente a todos os anteriores e non só pola localización. Fomos unha chea de xente diante dos nosos micrófonos: seis persoas convidadas que senten un gran amor pola música tradicional galega. Entre elas, parte da organización da Foliada da Fonsagrada, á que lle estamos moi agradecidas por deixarnos formar parte dela. Este venres podemos ensinarvos, por fin, o último programa do ano, que foi presentado por dúas faiaders orixinais: Eva de Rebelico Revista e Laura da Asociación Cultural Petapouco e a Destempo. Agardamos que quede ben representado o espírito da foliada!
🔔 Fai clic na campá para non perderte ningún episodio! 🔔
Podes seguirnos en redes sociais!
➭ Instagram • @faiadopodcast
➭ TikTok • @faiadopodcast
➭ Spotify • O Faiado Podcast
#youtubeiras
･････
Quen somos?
Este Faiado non é o que se atopa na parte máis alta das vosas casas, non. Para subir ao noso faiado, só hai que escoitar todas as conversas que gardamos con moita ilusión para vós. Unha vez dentro, atoparedes o último dos podcasts galegos (e en galego).
Pero, de que imos falar no Faiado? Os temas van ir cambiando en cada episodio, porque aquí somos fans do caos que, ademais, caracteriza aos faiados (quizais cun chisco máis de orde, esperemos).
Maioritariamente, serán cuestións relacionadas coa cultura pop, a cultura galega e outras de índole social, que pasan máis desapercibidas nos medios de comunicación. Contaremos con persoas convidadas para crear un espazo no que debater, reflexionar e, por suposto, botar unhas boas risas.
16 сен 2024
